Ukiakkut ataatsimiinnissaq: Kikkut Kielsen tapersersorpaat?
Ukiakkut ataatsimiinnermi politikkikkut oqaluuserisassarpassuaqarpoq, taavalu ataaseqarpoq saniatiguugassamik: Inunnut tunngasut. Kiap kina tapersersorpaa? – Pissutsit immikkoortissinnaalluarpakka, Erik Jensen oqarpoq.
Ukiakkut ataatsimiinnermi pisoqarfioqisussami Covid-19 ersinngitsumik peqataassaaq. Nappaat nunamut takkutissagaluarpat siammaatilissagaluarpallu politikkikkut pissutsit nutaat atuutilissapput, ilami allaat politikkimik ingerlatsineq unittuuissinnaalluni.
Kukkunersiuinermut Ataatsimiititaliap Kim Kielsenimik isornartorsiuinera taama sualutsigisumik kinguneqarunanngilaq. Tatiginninnginnermik taasisitsisoqassappat inunnik pissanganartorsiorneq pilissaaq. Aallaqqaammut kikkut tamarmik Kielsenip siulittaasumut unallertua Erik Jensen sammineqalissaaq:
Taanna qanormitaava taasissava?
– Kinguneqaataasinnaasunut sumilluunniit isumaliuteqarsimanngilanga. Pisimasoq gruppimi oqaluuserineqaqqaassaaq, tamannalu qularnanngitsumik pissaaq septembarip 18-ianni Nuummi ataatsimiinnermi, taanna AG-mut oqarpoq.
Sulianik immikkoortitsisinnaaneq
– Kukkunersiuinermut ataatsimiititaliami, Kielsenimik isornartorsiuisimasumi, siulittaasuuvutit tamannalu peqatigalugu partiimi siulittaasunngorniarputit. Tamanna pissutigalugu suliassamut attuumassuteqarpallaanngilatit?
– Soorunami tamanna misissortissimavara. Inatsisartut Allattoqarfianni inatsisilerituut naliliipput suliamut attuumassuteqarpallaarnermik ajornartorsiuteqanngitsoq, taanna akivoq.
– Illit nammineq qanoq isumaqarpit?
– Pissutsit immikkoortissinnaalluarpakka. Ataatsimiititaliami kinaassusersiorata sulisussaavugut. Taamaasiorsimavugullu. Malugisimavara ilaasa nanertinniarsarigaannga sunillu tamanik assuarnartoqartitsiniarlutik, tamakkuali tassa allattoqarfimmit nalilerneqarsimapput.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: