Aappilattormiut aalanerulertut
Kommune Kujalleq pitsaaliuinermut immikkoortortaqarfik suleqatigalugu kujataani Aappilattumi innuttaasunut sammisassanik pilersitsiortorpoq.
Nanortallup eqqaani Aappilattumi innuttaasut sammisassaqartitsinernik amerlanerusunik ujartuisimapput. Peqatigiiffik Qilertiki pilersissimavaat, taannalu aqqutigalugu sammisassat kissaatigineqartut siunnersuutillu kommunimut ataatsimoortillugit apuunneqarsinnaasimapput.
Taama suliniuteqarnerup kingunerisaanik Kommune Kujalleq pitsaaliuinermut immikkoortortaqarfik suleqatigalugu, sammisassanik pilersitsivoq.
Kommune Kujallermi pitsaaliuinermik immikkoortortaqarfimmi pisortaq, Helga Nielsen tusagassiorfinnut taama nalunaaruteqarpoq.
- Sammisassat pilersinneqarnerani ilaqutariit timiminnik atuinerulernissaat qulakkeerneqarpoq. Meeqqat aamma inuusuttut siunissami timiminnik atuinerullutik aalanerulissapputm, Helga Nielsen allappoq.
Kommune Kujallermi Aappilattumi sammisassat ilaqutariinnut tulluartut atulersimasut, assini takusinnaavatit.