Nuuk: Imigassanik aalakoornartutalinnik tuniniaanermut inerteqquteqalernera pisiniarfinnit taperserneqarpoq

Brugseni aamma Pisiffik imigassanik aalakoornartortalinnik tuniniaajunnaarpoq, pisiniarfinnilu nakkutiginninneq annertusineqarluni

Nuummi immiaqqanik, viinninik allanillu imigassanik aalakoornartutalinnik tuniniaasarnerit Naalakkersuisunit arfininngormat inerteqqutigineqalerput.

Taamatut aalajangerneq Brugsenimit aamma Pisiffimmit taperserneqarpoq.

- Nuummi malitassat nutaat malinniarlugit iliuuseqarpugut, taamaattumik imigassanik aalakoornartortalinnik tuniniaaneq Nuummi unitsinneqarpoq. Imigassanik aalakoornartortalinnik piseqqusaarutit aamma piffissami tassani unitsinneqassapput, pisiniarfiit taakku tusagassiutinut nalunaarummi allapput.

Brugsenip Pisiffiullu uku maluginiaqquai:

Nakkutiginninneq

- Nuummi pisiniarfiit tamarmik nakkutigineqarnerat annertusineqarpoq.

Pisisartut imigassanut inissiivinnukarsinnaassanngillat

- Imigassanut inissiiviit pisiniartunit iserfigineqarsinnaassanngillat. Sulisut taamaallaat imigassat inissiiviinukarsinnaatitaassapput.

Politiit nakkutiginninnerulerput

- Politiit pisiniarfinnut nakkutiginninnerulersimanerat nalunaarutigineqarpoq.

- Unioqqutitsilluni imigassanik aalakoornartortalinnik tuniniaasoqannginnissaa anguniarlugu pisiniarfiit sillimalluassapput. Pisinnaasagut tamaasa malillugit sillimassaagut, Brugseni aamma Pisiffik nalunaarput.

Imigassanik aalakoornartortalinnik tuniniaanissamut inerteqquteqarneq Nuummut, Qeqertarsuatsiaanut aamma Kapisilinnut atuuppoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS