Kommuneqarfik Sermersooq sulisoqarnermut pisortamik nutaamik atorfinitsitsisoq
Illoqarfiit pingaarnersaata kommuniata John Thorsen sulisoqarnermut pisortatut marsip 1-anit atorfinitsippaa
53-inik ukiulik politiitut ilinniagaqarsimasoq, John Thorsen, KNR-imi sulisoqarnermut pisortatut atorfimmeersuuvoq, siornatigullu Tele-Postimi sulisoqarnermut immikkoortortaqarfimmi atorfeqarsimalluni.
– John Thorsen Sulisoqarnermut Immikkoortortaqarfimmi, ilinniartitaanermi suliffiullu avatangiisaanut tunngatillugu annertuumik misilittagaqartoq maanna Sulisoqarnermut Sulisunullu pisortatut sunniuteqarluartutut sulisorilissavarput. Sulisoqarnermut Sulisunullu pisortap suleqatiginissaanut qilanaarpunga, 2.300-llu missaanni sulisoqarfiusumi oqaloqatigiiffiusumik ineriartorfiusumillu pilersitsiviunissaa naatsorsuutigalugu, Marie Fleischer, kommunaldirektørip tullersortaa ilaatigut Kommuneqarfik Sermersuumi Sulisoqarnermik Sulisunillu akisussaasoq taama oqarpoq.
Thorsen qilanaartoq
John Thorsen atorfittaamini sulilernissaminut qilanaarpoq:
– Kommuneqarfik Sermersooq pikkorissunik ulluinnarni nukippassuarnik atuillutik sulisorpassuarnik peqarpoq, suleqatissaralu suleqatigalugu aqutsisut sulisullu kiisalu aaqqissuussap ineriartortinnissaanut suliaqarneq eqqarsaatigalugu siunersiueqatigiinnissamut ikorfartuinissamullu qilanaarpunga, John Thorsen oqarpoq.
John Thorsen sunngiffimmi suliaqartarnermut tunngatillugu kajumissutsimik suliaqartarsimavoq, ilaatigut arsaattartunit iluaqutigineqarluartumik. Novembarimi 2019-imi Kalaallit Arsaattartut Kattuffiata siulittaasuatut tunuarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...