Sermersuaq aakkiartorpoq, neriuuteqartoqarporli
Sermersuup aakkiartornera 2012-misut sukkatigaaq
Annonce
Kalaallit Nunaata sermersuaa aakkiartupiloorpoq.
90-ikkunni sermersuup aakkiartorneranit arfineq marloriaataanik maanna sukkanerusumik aakkiartorpoq. 1992-imit 3.800 milliard tonsit aannikuupput, Nunarsuarmi imaq 1 centimeterimik qaffalluni.
Tamanna Nature-mit, 80-init sulisoqartumit, paasineqarpoq, Videnskab.dk allappoq.
Sermersuup aakkiartupiloornera tusagassiutinit maanna sammineqangaatsiarpoq.
Taamaattoq 2012-imit maannamut sermersuup aakkiartorneranut tunngasumik neriuuteqartoqarpoq.
- Naak sermersuup aakkiartornera sukkagaluartoq ukiut tamaasa aakkiartornera sukkanerujartunngilaq. Aakkiartornera maanna annikillilaarnikuusoq paasineqarpoq. Tamanna neriuuteqalersitsivoq, William Colgan oqarpoq.