Atassut: Tunngaviusumik Inatsisissaq pillugu Isumalioqatigiissitaq atorunnaarsinneqarli
Isumalioqatigiissitap matuneqarnissaa Atassutip siulittaasuata tulliata Nikolaj Rosingimit innersuussutigineqarpoq
- Tunngavisumik inatsisissaq pillugu isumalioqatigiisitarsuarmi siulittaasoq tunuarmat Atassummiit isumaqarpugut pitsaanerussasoq tamaat atorunnaarsiinnarneqarpat.
Tunngaviusumik Inatsisissaq pillugu isumalioqatigiissitap siulittaasua Doris J. Jensen tallimanngormat tunuareersoq Atassutip siulittaasuata tullia Nikolaj Rosing tusagassiutinut nalunaarummi allappoq.
Aningaasat allarpassuarnut atorluarneqarsinnaagaluarput inuiaqatigiinni sunniutilinnut, Atassut isumaqarpoq.
- Piffissanngorpoq partiit allat aamma ilanngullutik aningaasaatigut inuiaqatigiinnut iluaqutaasussanngortitsinissaannut. Tunngaviusumimmi inatsissaq massakkut suliarineqarniarsarisaq iluaqutaanavianngilaq, ullut arlaanni Naalagaaffeqatigiinnermiit avissaarniarutta, avissaassaguttaluunniit. Naluarpummi aamma kinguaariit taanna suliaq atorsinnaassaneraat.
Massakkutummi inissisimanerput eqqarsaatigalugu oqartoqarsinnaavoq tunngaviusumik inatsisissaq kusassaataannaasoq, inuiaqatigiit uukapaasiaralugit tunngavissaqanngitsumik namminersulivikkasuarnissamut isumallualersitsisoq.Siunissami aalajangiisussanngortussat suliaq taamanikkussamut tigulisiuk. Massakkorpiarlu meerartagut, inuusuttortagut utoqqaallu pisariaqartitaannik aningaasaliilluta, Nikolaj Rosing oqarpoq.