Inuunerissaarneq pillugu ilisimatusarnermut apersugassarsiorneq
Naja Carina Steenholdt Kalaallit Nunaanni inuunerissaarneq illorisimaarnerlu pillugit ilisimatusarpoq, tassungalu atatillugu Nuummi apersorsinnaasaminik ujaasilluni.
Naja Carina Steenholdt Kalaallit Nunaanni inuunerissaarneq illorisimaanerlu pillugit ilisimatusarpoq. ”Kalaallit Nunaanni inuunerissaarnissamut illorisimaarnissamullu periarfissat” ilisimatusaatigalugit innuttaasut inuunerissaarneq ”inuunitsialallu” qanoq isumaqarfigineraat misissorpaa.
Ullumi ataasinngornermiit decembarip arfernat tikillugu Nuummi suliniarpoq, tassungalu atatillugu inuit 18-it 65-illu akornanni ukiullit, apersorneqarnissamut soqutiginnissinnaasut, nalunaaquttap akunnerata ataatsip affaanik sivisutigisumik apersortikkusussinnaasut ujartorpai. Kalaallisut/danskisut nutserunneqarsinnaaneq periarfissaavoq.
Naja Carina Steenholdtip ilisimatusarnerminut atatillugu angalanermini Nuuk kingullersaallugu suliffigissavaa. 2018-imi upernaajusorli ilisimatusarnerminut atatillugu Kujataani, Qeqqani Avannaanilu angalasarsimavoq. Tikilluaqquneqarluartarsimaqaaq, neriuutigaaalu Nuummi aamma innuttaasunit taama pineqarumaarluni. Paasisaqarnerorusukkaanni Naja Carina Steenholdtiluunniit attavigerusukkaanni mail naks@uni.gl aqqutigineqarsinnaavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...