KNI pillugu isumaqatigiinniartoqarpasinngitsoq
KNI illoqarfinni anginerni pisiniarfeqalissappat pisiniarfiit 2022-miit pisiniartartunik pilerngutilissangunarput. 2020-mut aningaasanut inatsisissami Siumut, Nunatta Qitornaasa Demokraatillu sapaatip akunnerata siuliani akuerisaanni tamanna takuneqarsinnaavoq.
Aningaasanut inatsimmut nassuiaatini allassimavoq, KNI A/S-imik kiffartuussinissamut isumqatigiissut maanna atuuttoq 2021-mi atorunnaarpat 10 millioner koruuninik sipaaruteqartoqarnissaa Naalakkersuisunit naatsorsuutigineqartoq. KNI-p taamatut sipaarniarfigineqarneq illuatungilerniarlugu illoqarfinni anginerusuni pisiniarfeqalernissaq siunniuppaa. Oqaasertaliussaq 2019-imut Aningaasanut inatsimmit ingerlateqqitaavoq.
Demokraatit itigartitsisut
Pilersaarut piviusunngortinneqarsinnaanersoq ilisimaneqanngilaq. Naalakkersuisooqatigiimmi ikorfartortaat Demokraatit naapertorlugit pineqartoq naammassillugu oqaluuerineqareerpoq.
– Demokraatit siunnersuummuut akerliupput, 2022-mut aningaasanut inatsisissaq isumqatiginninniutigineqalerpat pineqartoq oqaluusereqqinneqassaaq, Demokraatit sinnerlugit Inatsisartuni ilaasortaq Justus Hansen oqarpoq.
– Naatsumik oqaatigalugu ernummatigaarput, Namminersorlutik Oqartussat suliffeqarfiutaata akileraartartut akiligaannik namminersorlutik suliffeqarfiutillit aningaasaleerusussuseqarnerat akornusissagaat.
Allat aamma akerliusut
Illuatungiliuttut aamma siunnersuummut akerliupput:
– Suleqatigiissitsisunit ernummatigaarput, siunnersuutip malitsigisaanik kioskinitk pisiniarfinnillu mikinerusunik piginnittut akiliisinnaajunnaarnissaat. Nunatta Karsia iluaqutsiullugu naaminersortunut unammillerluni pisiniarfinnik ammaanissaq aaqqiissutissaanngilaq, siger Tillie Martinussen Suleqatigiissitsisuneersoq oqarpoq.
Naalakkersuisut nassuerutigaat pilersaarut qularnartortaqartoq.