Sulisut inissaat suliarineqartut
Nuummi mittarfiliornissamik suliaqartussanut 70-80-inut inissat sanasunit sanaartorneqaleruttorput. Saniatigut assaassutinut aqqusinniortoqarpoq, qaarsunilu issortat piiarneqarlutik.
Islandimit sanasoqatigiit, Munck Civil Engineeringimit (MCE), kiisalu Nuummi tunisassiornermik ilinniarfimmit inuusuttut sungiusaammik sulisut sulisunut mittarfiliornerup nalaani Nuummiittussanut inissanik sanaartuleruttorput.
Aviisi Sermitsiaq taama allappoq.
Nuummi sanaartornermi Per Helming Johansson suliniummik aqutsisuuvoq. Oqaluttuarpoq maannakkut sanaartortitsisumut KAIR-imut, siunnersortaasumullu Inuplanimut MCE-milu sanaartornermi aqutsisunut allaffiit sananeqartut. Tamatuma saniatigut biilinut inissiiviliortoqassaaq, nerisarfiliortoqarluni sulisunullu ataatsimoorfissamik kiisalu sulisunut Nuummi inigisaqanngitsunut inissanik sanasoqarluni. Sulisunut inissat atulernissaminnut piareernissaat februaarip qiteqqunnerani pissasoq naatsorsuutigineqarpoq. Sulisinulli inissat ilaat decembarip ingerlanerani naammasseriissapput.
– Sulisunut inissiat inunnut 60-70-inut inissaqarnissaat anguniarparput. Maannamut nunaqavissunik sulisoqarpugut, taamaaliuinnarsinnaaguttalu sulisut ikinnerusut tassani najugaqassapput, Per Helming Johansson nunaqavissunit ilassilluarneqarnertik tupaallaatigalugu oqarpoq.
2019-imi novembarip 18-aniit aggustimut 2021-mut aqqusineq Illerngit 2001 matuneqarpoq. Aqqusineq Borgmesteri Anniitap Aqqutaanit matuneqarpoq, illuatungaanilu mittarfiup eqqaani Air Greenlandip tungaaniit matoqqalluni. Matumanili sulisut inuillu sanaartorfi mmut susassaqartut angallassinnaapput.
Mittarfiup ilaneqarnissaanut allaaserisaq aviisimi Sermitsiami atuarsinnaavat. Aviisi uani ataani pissarsiarisinnaavat:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
