Skip to main content

Issittumi ilisimatusarnerup iluani nutaanerpaat misigikkit

Greenland Science Week perngaammik Kalaallit Nunaanni namminermi ingerlanneqassaaq

Issittummi ilisimatusartut ulluat Kalaallit Nunaannut maanna ‘angerlarpoq’.

Tassamim Greenland Science Week perngaammik Nuummi ulluni ecembarip 1-anit 5-anut ingerlanneqassaaq qulequtaralugu ”Connecting Science and Communities” periarfissiissallunilu najukkami innuttaasut, kalaallit ilisimatusarnermut piginnaanillit aamma najukkami nunanilu allai ilisimatusartut naapeqatigiinnissaannut.

Issittumi ilisimatusartut ulluat Danmarkimi ukiorpassuarni ingerlanneqartarsimavoq. Ukioq manna Danmarkimit, Kalaallit Nunaannit nunanillu tamalaanit peqataasut 200-t missaanniissapput. Taamaattumik oqaatsit ataatsimeersuarnermi atorneqartut tassaassapput tuluit oqaasii, kisianni sapaatip-akunnerata sinnerani “tusarnaarianut siamasissunnut aaqqissuussinerit soqutiginartut, uissuumminartut isumassarsinartullu kalaallisut qallunaatullu aamma ingerlanneqartut’ arlalissuussasut, aaqqissuisut neriorsuipput.

Ataatsimeersuarneq arfininngornermi novembarip 31-anit aaqqissuussinernik tamanut ammasunik tamalaanik, ilisimasanik innuttaasunut ingerlatitseqqiiffiusussanik, neqerooruteqaleriissaaq.

- Aaqqissuisut neriuutigaat, sapaatip-akunnerata ingerlanerani inuppassuit takkukkumaartut taamaalillutillu Kalaallit Nunaanni Issittumilu ilisimatuussutsikkut suliaqarfiit arlalissuit iluanni ilisimatusarnermik nutaanerpaamik paasisaqarlutik, tusagassiuutitigut nalunaarummi oqaatigineqarpoq.

- Pinngortitaleriffimmi eqalussuup qaqortup “najaaraa” 250 kg-nik oqimaassuseqartoq Kujataani pisarineqarsimasoq kikkulluunniit tusagaqarfigisinnaavaat, isiginnaarsinnaallugu attorsinnaallugulu.

- Illoqarfimmi sumiiffinni allani najukkami ujarassiuut ujaqqat ujaranngornerillu pillugit oqaluttuassapput, nanoq Uja meeqqanut oqaluttuassalluni, sakkutuullu imarsiortut nakkutilliissutaat nutaanerpaaq Lauge Koch takornariarneqarsinnaassalluni.

Nuummiut tamarmik – inersimasut meeqqallu – sisamanngornermi decembarip 5-ani Katuami ilisimasanik ingerlatitseqqiinermut qaaqquneqassapput.

- Paarlersuarmi kikkulluunniit qimuttut, silap pissusia, ujarassiorneq, robottit, Issittumi ilinniartitaaneq, peqqissuuneq utoqqaliartortarnerlu allarpassuillu isiginnaarsinnaavaat, misissorsinnaallugit ilikkagaqarfiginerusinnaallugillu. Allagartarsuit atorlugit Issittumi ilisimatusarnermut tunngasut oqaluttuarineqassapput, aamma Science Cinema Kalaallit Nunaanni avataanilu ilisimatusarnermut tunngasunik filmilianik takutitsissaaq. Kikkulluunniillu apeqqutit atorlugit eqquiniaasitsinermut pissanganartumut eqqugassanik kusanartunik eqquinissamut periarfissalimmut peqataasinnaassapput!

Greenland Science Weekimut pisussat allassimaffiat Ilisimatusarfiup, Pinngortitaleriffiup, Greenland Perpectivep, Kommuneqarfik Sermersuup aamma Aalborg Universitetip akornanni qanimut suleqatigiinnikkut katitigaavoq kattuffinnit ilisimatusarfinnillu arlalissuarnit tunniusseqataaffigineqartumik peqataaffigineqartumillu.

 

Skemami kinguaassiutitigut peqqinneq aamma imminut toqunnissamut pinaveersaartitsineq
Kommuneqarfik Sermersuumi pitsaaliuinermi siunnersortit Tasiilami septembarip oktobarillu ingerlanerani assigiinngitsunik pinaveersaartitsinermut suliniutinik suliaqarput. Ilaatigut...
Partiit isumaqatigiissuteqartut isumaqatigiipput: 2021-mut missingersuutit imatut isikkoqassaaq
Partiit missingersuutinik isumaqatigiissuteqartut Inuit Ataqatigiit, Demokraatit aamma Suleqatigiissitsisut partiiat Kommuneqarfik Sermersuumi 2021-mut missingersuutit qanoq isikkoqarnissaat...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER