Inuit marluk allat katersugaasivimmi aserorterisimasutut tigusarineqartut
Inuit marluk Tasiilap katersugaasiviani aserorterisimasutut ippassaq inatsit tunngaviusoq naapertorlugu killisiorneqarput
Inuit marluk Sermersuup Eqqartuussiviani ippassaq tunngaviusumik inatsit naapertorlugu killisiorneqarput.
Inuit pineqartut inuk alla peqatigalugu Tasiilami Ammassaliviup katersugaasiviani aserorterisimasutut unnerluutigineqarput.
Taakku pingajuat sisamanngormat Odin Mikikimik toqutsisimasutut unnerluutigineqarluni tigummigallarneqarpoq. Odin Mikikioktobarip qulingani ilisimanngitsoq timaalu nillorsimasoq Tasiilami nassaarineqarpoq, Islandimi napparsimmavimmut aallarukkasuarneqarsimavoq kingusinnerusukkullu toqulluni.
Toqutsisimasutut pasisaasoq katersugaasivimi aserorterisimasutut aamma unnerluutigineqarpoq.
Ammassaliup katersugaasiviani aserorterineq septembarip 30-ata aamma oktobarip aallaqqaataata akornanni unnuakkut pisimavoq. Annertoorujussuarmik aserorterisoqarsimavoq.
Kingullermik unnerluutigineqartut marluk ulluni 26-ni tigummigallagassanngortinneqarput.
Eqqartuussineq matoqqasumik ingerlanneqarsimavoq. Taamaammat Kalaallit Nunaanni Politiit paasissutissanik tunniussinissamut tunuarsimaarput.