Skip to main content

Iliuusissamik pilersaarut: Uju Petersenip Naalakkersuisut isornartorsiorpai

Naalakkersuisut meeqqat sumiginnagaasarnerat annikillisarniarlugu iliuusissaanik pilersaarutaa Uju Petersenimit (IA) isornartorsiorneqarpoq

Iliuusissamik pilersaarut Naalakkersuisunit maanna tusarniutigineqartoq Kommuneqarfik Sermersuumi kommunalbestyrelsimi ilaasortamit Uju Petersenimit (IA) isornartorsiorneqarpoq.

- Iliuusissanik pilersaarummi meeqqat sumiginnagaasarnerat annikillisinneqarnissaat anguniagaavoq, kommunip nittartagaanut oqarpoq.

Allannguissanngitsoq

Kommuneqarfik Sermersuumi Meeqqanut, Ilaqutariinnut Ataatsimiititami siulittaasuuvoq, Naalakkersuisut meeqqat sumiginnagaasarnerat annikillisarniarlugu iliuusissanik pilersaarutaat allannguuteqarnissaa ilimaginngilluinnarpaa.

- Ajorluinnarpoq. Illuatungaatigut kommunit namminneq aalajangiisinnaatitaanerannik unioqqutitsineruvoq, minnerunngitsumillu ilaqutariinnut sullissiviit meeqqanut ilaqutariinnullu ajornartorsiuteqartunut neqeroorutaapput, kikkunnut tamanut neqeroorutaanatik, oqarpoq.

Kommunit peqataatinenqanngitsut

Tamatuma saniatigut Uju Petersenip maluginiarpaa, suliat meeqqanut tunngasut suliarineqartarnerinut tunngasut kiisalu meeqqanut ilaqutariinnullu katsorsaanissamut neqeroorutit pilersaarummi ilaatinneqarpiannginneri.

- Neqeroorut Manu tamanut neqeroorutaavoq, taamaattumik ilaqutariit nukissallit pingaarnertut atuisuunissaat naatsorsuutigineqarsinnaavoq. Ilaqutariinnut ajornartorsiortunut neqeroorutit naleqqussakkat amigaataapput, Uju Petersen oqarpoq.

Kommunit sulinermut akuutinneqarsimasut oqaatigineqarmat Uju Petersenip naammaginngilaa.  

- Suliap ingerlanneqarnerani ataasiaannarluni workshoppertitsisoqarpoq ullorlu ataaseq isumasioqatigiissitsisoqarluni, taakkunanilu immikkoortut pingaarnerit eqqartorneqanngillat, oqarpoq.

Qatserisarfik qatserisartuni aalajaatsut pillugit nalliuttorsiorpoq
Ukiuni 40-ni kingullerni qatserisartut aalajangersut Nuumminngaanneersut illoqarfiit pingaarnersaanni ikuallattoqalersillugu orniguttarput qamiteriartorlutik, inuunermillu annaassiniariartorlutik....
Peqqinneq Susassaqartitsinerlu pillugit immikkoortortaq Kommuneqarfiup Allaffianut nuuppoq
Peqqinneq Susassaqartitsinerlu pillugit immikkoortortaq Imaneq-mi inissisimajunnaarpoq. Immikkoortortaq matuneqanngilaq, taamaallaalli Kuussuaq 2-mut Kommuneqarfiup Allaffianut nuutinneqarluni.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER