Qilusa: Timi aalatillugu festivali ullumi aallartippoq
Kalaallit Nunaanni timi aalatillugu festivali siulleq Katuami ullumi nal. 14:00 ammarneqarpoq. Timersornermut illersuisoq, Inatsisartuni siulittaasoq Vivian Motzfeldt, ammaasuuvoq. Sapaatip akunnerani ataatsimi timip atornerunissaanut periarfissarpassuit Nuummi innuttaasut misilerarsinnaavaat.
Yoga misilikkusuppiuk?
Sungiusarnermimi pinnguarneruneq?
Imaluunniit New Zealandimeersut Haka-mik qitillutik takutitsisut takorusuppigit?
Qilusap Nuummi ilaqutariinnut tamanut ammasumik timip aalatinnerunissaanut festivalertitsinertik aallartippaat, timip aalatinnerunissaa peqqinnerulernissarlu qitiutinneqarlutik.
- Sammisassat assigiinngitsut 100-t sinneqartut, illoqarfimmi sumiiffinni assigiinngitsuni ingerlanneqartussat, arlaat alakkassagitit kaammattuutigaarput. Festivalimi aalaneq, timersorneq, peqqinneq kultoorilu ataatsimuulersinneqarput, taamaaliornikkut innuttaasut aalanerulernissaminnik soqutiginninnerulernissaat anguniarneqarpoq. Taamaammat sammisassani amerlanerpaani nutaamik eqqarsarluni periuseqartoqarpoq, soqutiginninnerulernissaq nutaamillu eqqarsalernissaq anguniarneqarmat, Kalaallit Nunaanni Timersoqatigiit Kattuffiat tusagassiutinut nalunaaruteqarpoq.
2030-mi timersornerpaaq
GIF-ip 2030-imut anguniarpaa Kalaallit Nunaanni innuttaasut nunarsuarmi tamarmi timersornerpaassasut.
Festivali atorlugu timip aalatinnissaanik ukkassititsilernerminni, GIF anguniakkaminut qanilliallappoq.
Nuummi innuttaasut periarfissaasa ilaat aajuku:
- Utoqqarnut floorball
- After School Yoga
- Haka-mik takutitsineq
- Katuami filmimik takutitsinerit
- Qitinneq
- Parasport – inuit innarluutillit timersorsinnaanerat
Sammisassat tamakkerlugit GIF-ip nittartagaani takuneqarsinnaapput.
GIF ilisimatitsivoq festivalimi sammisassat tamarmik akeqanngitsut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...