Aningaasaqarnermut ataatsimiititaliaq: Mittarfissualerinermi apereqqaartassavatsigut

Mittarfissualiortoqarniarnerani misilittakkatik ilinniarfigalugit Aningaasaqarnermut ataatsimiititaliaq piumasaqarpoq, siunissami mittarfissuassat aningaasalersorneqarnerannut aalajangersaaniarnermi Naalakkersuisut ataatsimiititaliaq apereqqaartassagaat – piginnaatitsissummik peqarneq naammanngimmat.

Pingaartumik piffissaq ungasinnerusoq eqqarsaatigalugu aningaasaliissuteqarnissanut aningaasaateqarfimmit Kalaallit Airports Holding A/S-imut aningaasanik nussuisoqassatillugu ataatsimiititaliaq aperineqaqqaarusuppoq, mittarfissuit aningaasalersorneqarnerat 2,1 milliard koruuninut killilerneqarnikuuvoq.

Aviisi Sermitsiaq taama allappoq.

Mittarfissuassat piareersarlugit sulissutigineqarnerini Aningaasaqarnermut ataatsimiititaliaq arlaleriarluni unikaallatsitsiniaraluarnikuuvoq, ilaatigut tunngavilersuutigineqarlutik apeqqutit akissutissarsineqanngitsut amerlavallaarneragaallutik. Mannali tikillugu Naalakkersuisut suliap ingerlanneqarnerani aalajangersaasoqassatillugu apereqqaartariaqarsimanngillat allaallu aamma pisut ilaanni ilisimatitseqqaartariaqartarsimanngillat, tassami Naalakkersuisut piginnaatitsissummik siammasissorujussuarmik Inatsisartunit tunineqarnikuupput aningaasanut inatsit aqqutigalugu.

Ataatsimiititaliap piumasaa Naalakkersuisut itigartippaat

Mittarfissuit maanna sanaartorneqalereeraluartut, Naalakkersuisut ataatsimiititaliamut akuutitsinngippallaarnerarlugit aningaasaqarnermut ataatsimiititaliap ingerlatsineq suli isornartoqartippaa, taamaammat ataatsimiititaliap periarfissani atorlugit aningaasanut inatsisissap 2020-moortup suliarineqarnerani aperineqaqqaartarnissaminik piumasaqaatini saqqummiuppaa:

– Konto pingaarnermi 10.13.11-mi oqaasertaliussaqarpoq, taanna malillugu Kalaallit Airports Holding A/S-imut aningaasaliinikkut Piffissaq ungasinnerusoq eqqarsaatigalugu aningaasaliissuteqarnissanut Aningaasaateqarfimmut aningaasaliinissamik Naalakkersuisut piginnaatinneqarput, taamaattorli amerlanerpaamik l milliard koruuninik. Aningaasaqarnermut Akileraartamermullu Ataatsimiititaliap akuersineratigut tamatuma pisarnissaa ataatsimiititaliap kissaatigaa.

Aviisimi Sermitsiami atuarnerusinnaavutit, aviisi uani pissarsiarisinnaavat:

Siunnersuutip aappassaaneerneqarnera- nut pingajussaaneerneqarneranulluunniit atatillugu Naalakkersuisut tamanna pillugu allannguutissatut siunnersuuteqarnissaat ataatsimiititaliamit naatsorsuutigineqarpoq, aningaasaqarnermut ataatsimiititaliaq ani- ngaasanut inatsisissap suliarineqarneranut atatillugu Naalakkersuisunut allakkamini piumasaqaateqarpoq.

Taamaattorli aningaasaqarnermut ataatsi- miititaliap piumasaqaataa Naalakkersuisu- nit itigartinneqarpoq tunngavilersuutigine- qarluni oqaasertaliussaq isumaqanngitsoq aningaasaliissutaareersut qaavisigut ani- ngaasaleeqqittoqassasoq.

Powered by Labrador CMS