Nuuk: HHE-hotelissaq napparnersiorneqarpoq

Nuummi hotelitut atulertussaq HHE Express napparnersiorneqarpoq

HHE Express napparnersiorneqarneranut atatillugu ningaliliaq aamma Erfalasorput nivinngarneqarput. Upernaaru hoteli atuutilissaaq, Nuup qeqqani inissisimassalluni, Aqqusinersuarmi Jens Kreutzmannip Aqqutaata sinaani inissisimassalluni.

Hoteli sisamanik quleriinnik sisamanik initaqassaaq, 108-nik ineerartaqassalluni.

Hotel Hans Egede A/S-imi siulersuisuni siulittaasoq, Helge Tang

- Illutaa kusanartuuvoq, suliarilluagaalluni. Illoqarfiup ineriartorneranut takussutissaavoq. Hoteli ukiut arlaqanngitsut qaangiuppata pingaarutilimmik inissisimalissaaq. Mittarfik tallineqareerpat innuttaasunut aamma minnerunngitsumik takornarianut atorluarneqalissaaq, tamanna qilanaaraarput, Hotel Hans Egede A/S-imi siulersuisuni siulittaasoq Helge Tang oqalugiarnermini ilaatigut oqarpoq.

HHE Express apriilip arferngani ammarneqassaaq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS