Nersornaasiineq: Nuuk mittarfitsialattut toqqarneqarpoq
Mittarfeqarfiit nersornaatinik tunniussinermini Nunatsinni illoqarfiit pingaarnersaat marlunnik nersornaaserneqarpoq
- Nuummiipput siulersuisut aalaakkaallutillu suliassanik samminnittut, sulisut pikkorissut, taakkulu mittarfiit allat ingerlatarinerisa qularnaarnissaannut ikiueqataanermut naleqqiullugu iliuuseqarnissaminnut piareersimapput.
Nuummi mittarfik nersornaammik 'Ukioq manna mittarfitsialak' tunniunneqarneranut atatillugu Mittarfeqarfimmi pisortaaneq Henrik Estrup oqarpoq.
Nersornaatit marluk
'Ukioq mana pitsaassutsimut Nersornaat' aamma Nuummi mittarfimmut tunniunneqarpoq.
- Suliffitsinni suleqatit pikkorissorpassuit sulisoraagut. Sulisut salliuniartartut, suliarisaminnik pimoorussisut, aammalu pitsaanerpaamik niuerfigisanik kiffartuussisartut. Ukiormanna Nuummi mittarfik immikkut maluginiarsimavarput. Nuummiipput siulersuisut aalaakkaasut suliassanillu samminnittut, suliffeqarfiup periusissiaanik tapersersuisut. Aamma sinerissami mittarfiit ingerlatarineri qularnaarniarlugit suleqatigisamik ikiornissaannut tunngatillugu iliuuseqartarnissaminnut piareersimasarsimapput, Henrik Estrup oqarpoq.
Ajornannginnerpaamik sullissineq
Ingerlatsinermut pisortap Niels Grosenip nersornaatip Nuup mittarfianut tunniunneqarnera aamma nuannaarutigaa:
- Nuummi mittarfiup iluarsaassineq annertunerusoq aqqusaarsimavaa, taamaattoqaraluartorlu siulersuisut sulisuusullu ilaasunut sapinngisamik annikinnerpaanik akornusersuuteqartillugu ingerlatsisinnaasimapput. Mittarfik ukiunik 40-nik pisoqaassuseqarpoq, atugassallu pissaaleqiffiugaluartut pitsaanerpaamik atugaqartitsinissaq sammisarineqarsinnaasimavoq.
Mittarfinnik nutaanik suliaqarnermut atatillugu siulersuisut sulilluarniartut soorlu ilisimasatik, kiisalu mittarfinnik ingerlatsinerup iluani misilittakkatik atugassiissutigisimagaat ilaatigut oqaatigineqarpoq.
Isumannaallisaaneq pillugu nersornaat Upernaviup mittarfianut tunniunneqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...