Arctic Import: Kalaallit Nunaat sisamanik pisiniarfissuaqarnissamut mikivallaaqaaq

Arctic Importip Ilulissani Nuummilu pisiniarfiutini Pisiffimmut tunisimavai. Kalaallit Nunaat pisiniarfiit sisamat imminnut unammillernissaannut mikivallaaqaaq, Arctic Groupimi pisortaq oqarpoq

Kalaallit Nunaanni niuerfik sisamanik pisiniarfiuteqarnissamut mikivallaarujussuarpoq. Taamaammat pisiniarfik tuniniarlugu aalajangersimavugut. Arctic Groupimi pisortaaneq Thomas Hjort, suliffeqarfiup Kalaallit Nunaanni pisiniarfiutiminik Pisiffimmut tnisaqarsimasnut pissutaasoq pillugu nassuiaavoq.

Pisiniarfimmik ingerlatsinermi aningaasartuutigineqartartut – pisiniarfik angisuujugaluarpat mikisuugaluarpalluunniit assigiipput, taamaammat Arctic Groupimi nalilersimavarput, Kalaallit Nunaanni pisiniarfiutivut ukiuni aggersuni sinneqartooruteqarfiunavianngitsut.

- Pisiffik Kalaallit Nunaanni pisiniarfiit annersaraat, Pilersuisoq Brugsenilu pisiniarfiit annersat tullerigaat Arctic Import annersat sisamaraat. Brugseni Nuup Qinnguani Ilulissanilu pisiniarfinnut nutaanut annertuumik aningaasaliissuteqarmat taamatut ingerlasoqarnera ukiuni aggersuni allanngungaarnavianngilaq. Taamaammat Artic Import pisiniarfittut atorunnaarlugu niuertunut pilersuisutut atuinnarniarlugu aalajangersimavugut, Hjort oqarpoq.

Annertuumik ingerlatsisoqartariaqartoq

- Pisiniarfiuteqarniaraanni annertuumik ingelatsinissaq pisariaqarpoq – aamma pisiniarfiit inunnit ikinnerujartuinnartunit pigineqalertarnerat nunani allani takussaavoq.Nuannaarutigaarpulli tunisaqarnitsigut pisiniarfinni suliffissaqartitsinermik attassiinaqataanerput, Thomas Hjort erseqqissaavoq.

Super1 pingaartumikNorsket pisiniarfiutaannit Rema1000-init nioqqutissanik tunisaqartarpoq, naatsorsuutigineqarsinnaavorlu nioqqutissat taakku ilaasa Kalaallit Nunaanni niuerfimmi pigineqarunnaarnissaat.

- Nioqqutissalli tamarmik pigineqarunnaarnavianngillat, Thomas Hjort oqarpoq. Artic Importimmi niuertunut pilersuinermigut Kalaallit Nunaanni kioskit pisiniarfiillu namminersortunik ingerlannqeartut suli pilersorniarpai. Artic Importimi nioqqutiginqartarput inuit piumalluagaat, soorlu Red-Bullit kiisalu kaffit assigiinngitsut.

Niuertunut pilersuisuunissaq

Arctic Importip Savalimmiuni pisiniarfiutini ukiut marluk matuma siorna amma matuvai. Matoriarlugit P/F Poul Hansenimut, Atlantikumi qeqertani 32-nik pisiniarfiutilimmut pilersuisunngorpoq. Arctic Import Reykjavikkimi Super1-inut aamma pilersuisut annersaraat.

- Pisiniarfimmik tunisaqarnerput Kalaallit Nunaanni niuertunut pilersuinerup annikillisinneqarneranit kinguneqarnavianngilaq, kaaviiaartitsinerulernissarpulli naatsorsuutigaarput – pingaartumik Kalaallit Nunaannut takornariartartut amerliartornerat eqqarsaatiglugu akunnittarfinnut neriniartarfinnullu pilersuinitsinni.

Neriniartarfinni nerisassanik, takornariartitsisartut atortussaannik pisatassaannillu aamma pisiniarfinnut kioskinullu namminersortunit pigineqartunut tunisaqartarnerup saniatigut Arctic Import Kalaallit Nunaanni namminersortut pisortallu suliffeqarfiutaannut arlalinnut pilersuisarpoq.

Powered by Labrador CMS