Skip to main content

Qaartiterinissamut pilersaarut quianarsiinnartoq

Munck Gruppen timmisartoqarfissap nutaap sananeqarnissaanut qaqqamik qaqugukkut qaartiterissanersut qaartiterissannginnersulluunniit pillugu quianarsiartuinnartumut Nuummi innuttaasut isiginnaartuupput

Kalaallit Airportsip qaartiterinissamut pilersaarutini qaammatinut pingasunut atuuttussaq sapaatip akunnerata siuliani pingasunngormat nittartakkamigut tamanut saqqummiuppaa.

Pilersaarut peerneqarsimavoq

Qaartiterinissamut pilersaarut mittarfinnik ingerlatseqatigiiffiup nittartagaanit tallimanngormat peerneqarsimavoq, Peter Wistoftillu ataasinngormat ullaakkut Sermitsiaq.AG-mut nassuiaatigaa, qaartiterinissamut pilersaarut pillugu sanasut, mittarfinnik ingerlatseqatigiiffik, Air Greenland, Icelandair Connect aamma Kalaallit Airports suli isumaqatigiissuteqarfigineqarsimanngitsut.

- Naammassiniarnissaa ajornakusoortissimavarput, sulilu pilersaarusiortoqanngilaq (qaartiterinissamut pilersaarut). Neriuutigaara qaammatip matuma naannginnerani pilersaarusiortoqassasoq, Munck Gruppenimmi pilersaarutigaa, novembarip qaammataata naannginnerani aallartinnissaq, Kalaallit Airportsimi pisortaaneq Sermitsiaq.AG-mut ataasinngornermi ullaaq manna oqarpoq.

Naqqiissut

Qaartiterinissamut pilersaaruteqartoqannginnera pillugu nutaarsiassaq saqqummiunneqatsiaannartoq Sermitsiaq.AG Avatangiisimut Naalakkersuisoqarfimmit naqqiissuteqaqquneqarluni mailisivoq.

- Qillerinissamut qaartiterinissamullu pilersaarut Kalaallit Airportsip 2019-imi oktoberip aqqarnani Pinngortitamut Avatangiisinullu Naalakkersuisoqarfimmut nassiussimasaa naalakkersuisoqarfiullu akuerisimasaaa pigineqarpoq. Kalaallit Airports qillerinissamut qaartiterinissamullu pilersaarumminik akuerisaareersumik allanngortitserusukkuni, pilersaarut nutaaq Pinngortitamut Avatangiisinullu Naalakkersuisoqarfimmut akuerisassanngorlugu nassiunneqassaaq, naalakkersuisoqarfimmi pisortaq Mette Skarregaard Pedersen ilisimatitsivoq.

- Pilersaarut Kalaallit Airportsip sapaatip akunnerata siuliani nittartakkamigut innersuussutigisaa, maannalu peerneqarsimasoq, pilersaarummut Pinngortitamut Avatangiisinullu Naalakkersuisoqarfimmi akuerineqarsimasumut naapertuutinngilaq, naalakkersuisoqarfimmi pisortaq erseqqissaavoq.

Piffissaliussat

Kalaallit Airportsip qaartiterinissamut pilersaarut naalakkersuisoqarfimmut nassiussimasaa naapertorlugu, piffissani ukunani qaartiterisarnissat pilersaarutaapput:

Marlunngorneq: 21.00-22.00

Sisamanngorneq: 21.00-22.00

Arfininngorneq: 21.00-22.00

Sapaat: 07.00-08.00 aamma 21.00-22.00

Piffissaliussat taakku malinneqassanersut aamma nalorninarluinnartutut isikkoqarpoq. Aap, innuttaasut naammagittarlutik utaqqisariaqarput.

Læs hele sagen:

  1. Kalaallit Airports offentliggør sprængnings-plan
  2. Bøvl med sprængningsplan
  3. Sprængningsplan udvikler sig til en farce
Sermiligaami nunaqarfiup orpia kiisami ikinneqartoq
Sermiligaami silarlunnera peqqutaalluni pilersaarut malillugu orpik ikinneqanngitsoorpoq. Silali qatsuunnartoq nunaqarfimmi innuttaasut orpiup ikinnera nalliuttorsiutigaat.
Tunngaviit pingasut meeqqerivinni sulisut eqqarsartaatsimikkut peqqissusaat pitsaanerulersissavaat
Meeqqanut Atuarfeqarnermullu Ingerlatsiviup meeqqerivimmi sulisut eqqarsartaatsimikkut peqqissusaat pitsaanerulersinniarlugu misiliummik suliniummik aallartitsipput. Siullermik Nuummi meeqqeriviit...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER