Nerisassamik sassaalliuteqarit namminerlu nuannersumik misigisaqarlutit
Kommuneqarfik Sermersuumi inuussutissarsiornermut siunnersuisoqatigiit nerisitserusuttunik, takornartanik nerisassiornermut tunngasunik misigisaqartitserusuttunik ujaasipput.
Aaqqissuussamut Nuuk Nordisk Festivalimut atatillugu nerisassanik sassaalliuteqarusuttut maanna ujarneqarput. Taakku takornartanik sisamanik imaluunniit arfineq-pingasunik qaaqqusinissaminnut
sapiissuseqartuussapput, tamatumani illit nerisassiavit qanoq mamartiginerat takutinneqassalluni.
Tamatuma qaffasissumik nerisassioriaasiunissaa piumasaqaataanngilaq, nerisassalli eqqarsaatigilluagaasimasut, illillu sassaalliutigissallugit tulluusimaarutigisinnaasatit sassaalliutigineqassapput.
Angerlarsimaffik ilinnut qanoq isumaqartigaa
Festivalimi sammineqartussaq tassaavoq HOME, tassa angerlarsimaffik. Taanna silittumik nassuiarneqarsinnaavoq, siunertarineqartorli tassaalluni angerlarsimaffiup inunnut Nuummi
najugaqartunut qanoq pingaaruteqartiginerata misissuiffigineqarnissaa. Aaqqissuussinerup taaguutigaa “Tastes Like Home” tamatumanilu eqqarsaatigineqarluni ullutsinni Nuummi
nerisassiornermi kulturi qanoq ittuunersoq takutissallugu.
Taamaattumik pisariaqartinneqartut taamaallaat tassaanngillat kalaallit nerisassioriaasitoqaannik nerisitsisussat. Tamatumami
akerlianik siunertarineqartoq tassaagami Nuummi angerlarsimaffippassuarni assigiinngitsuni assigiinngiiaartunik takutitsinissaq, tamatumani assigiinngiiaartuuneq takutinniarneqarmat.
Ammasuuneq misigisaqartitsisartoq
Soorlumi qaaqqusavit ilinnut pulaarnertik misigisaqarfigilluassagaat, qularutissaanngitsumik pulaartuit pulaarnerminni qisuariaataat takussallugit oqaluttuaallu tusassallugit aamma ilinnut misigisaqarfiussaaq. Pulaartigisassatit tassaassapput maani illoqarfimmiut nunanilu allamiut festivalimut takuniaasut.
Taamaattumik qanoq naatsorsuutigisaqarsinnaanissat siumoortumik
oqaatigineqarsinnaanngilaq, qanormi misigisaqarsinnaanissamut tunngassuteqarami.
Pulaartoqarnissamut suut piumasaqaataappat?
Pulaarneq nalunaaquttap akunneranik ataatsimik sivisussuseqassaaq. Pingaarnertut nerisassanik sassaalliuteqassaatit. Neriartortussat sisamat imaluunniit arfineq-pingasut nerisissinnaasussaavatit. Taama misigisaqartitsineq annerpaamik pissarsiffigineqarsinnaassappat,
sassaalliutigisavit suunerinik aamma nerisassiornermut kulturip ilinnut qanoq pingaaruteqartigineranik oqaluttuarsinnaassaatit.
Aaqqissuussineq oktobarip 12-ianni pissaaq ullorlu taanna aatsaat pisinnaaguit pilerigineralu attatiinnarukkit peqataaniarlutit nalunaassaatit.
Nerisitsininnut takussutissalimmik qujassuteqarneq
Neriartoqqusininnut akissarsiaralugu nerinissamut isissutissamik tunissutisissaatit. Qaaqqusanik sisamanik arfineq-pingasunilluunniit neriartoqqusisimanerit apeqqutaatillugu Sermersuumi inuussutissarsiornermut siunnersuisoqatigiinnit neriartoqqusissummik 1.000 koruuninik imaluunniit 2.000 koruuninik nalilimmik akissarsitinneqassaatit. Nerisassiassannut nerisitsinissannullu aningaasartuutitit tamaasa nammineerlutit akilissavatit.
Matumanili takuneqarsinnaasutut piumassuseqarnerit kajumissuseqarnerillu tunngaviussapput akilerneqarnissaq
pingaarnerutinneqarani. Pingaarnerpaatut misigisassat tassaassaaq neriartoqqusavit naammagisimaarinninnerat aamma nutaanik ilisarisimasaqalersutut misigisimanissat.
Soqutiginnikkaanni Sermersuumi inuussutissarsiornermut siunnersuisoqatigiit annerusumik paasiniaaffigineqarsinnaapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...