IA: Ilinniagarnissamut tunngatillugu kanngunartuliaq kinguneqartinneqartariaqarpoq
Sofie Geislerip IA-meersup piumasaraa, ilinniagassat marluk Ilinniartitaanermut Naalakkersuisoqarfiup taamaatitiinagai allaffissornikkut imaluunniit Ilinniartitaanermut Naalakkersuisoqarfimmut kinguneqartinneqartariaqartoq
Pele Brobergip paragraf 37 naapertorlugu apeqqutaanut Ane Lone Bggerip akissuteqarnerani paasinarsivoq, NI-mi ilinniagassanik marlunnik nutaanik pilersitsiniarneq naalakkersuisoqarfimmit kinguarsarneqarsimasoq. 2017-imi novembarip qaammataani isumaqatigiissutigineqarsimavoq, suleqatigiissitat inatsisitigut, aningaasaqarnikkut suliatigullu kinguneqaataasinnaasunik misissuisussat pilersinneqassasut. Maannali ukiut marluk qaangiussimalersut suleqatigiissitat suli pilersinneqarsimanngillat, akissummi taamatut allassimasoqarpoq.
- Akissutaata siusinnerusukkut nalunnaarutigisara uppernarsarpaa, tassalu Ilinniartitaanermut Naalakkersuisoqarfik, taamalu susassaqarfimmut akisussaasutut Naalakkersuisoq tassaasut ilinniagassanik marlunnik piffissaq naalluinnartorlu taamaatitsiinnarsimasut, ilinniagaqarniartunut annertuumik kinguneqartumik, Sofie Geisler Sermitsiaq.AG-mut oqarpoq.
Sofia Geislerip erseqqissaatigaa, suliamut pineqartumut tunngatillugu naalakkersuisoqarfiup iliuusaata ”tatiginartutut suleqataanini” qularnartunngortikkaa.
Periarfissat marluk
- Suliami tassani periarfissat marluinnaapput. Allaffissornikkut kiguneqartitsisoqartariaqarpoq imaluunniit Naalakkersuisoq tunuartariaqarpoq, Sofie Geisler naqissusiivoq.
- Suliassaq iliuuseqarfigissallugu piffissaqarfigilluarneqaraluartoq, piffissami sivisuupilussuarmi kinguarsarneqarsimavoq. Susoqarsimanngilarli. Tamanna atuuffimmit tunuarnissamut kinguneqartinneqartariaqarpoq, Sofia Geisler isumaqarpoq.
Læs hele sagen:
-
Uddannelser aflyses
-
Det må simpelthen ikke ske
-
Jeg er endt i en håbløs situation
-
Naalakkersuisut smadrer unges liv
-
Uddannelser blev syltet af departement
-
Studie-skandale skal have konsekvenser
-
Sjusk og uacceptabelt
-
NI håber på bachelor-uddannelser i februar
-
NI-mit neriuutigineqarpoq, bachelorinngorniarluni ilinniarfiit februaarimi aallartinneqassasut
-
Bacheloritut ilinniakkat aallartinngitsoortut misissuiffigineqarnerat 1,5 mio. kr.-nik akeqartoq