Brexit: Inatsisiliortut Johnson eqqartuussivilersuutissallugu piareeqqasut
Tuluit ministeriunerat tuluit EU-mit aninissaat pillugu inatsimmik nutaamik malinninngikkuni parnaarussaasinnaavoq
Tuluit inatsisiliortui, ministeriunerup Boris Johnsonip inatsit tuluit EU-mit aninissaannik kinguartitsisariaqartitsisoq soqutiginngippagu, eqqartuussisunut sassartitsinermikkut eqqartuussivik pinngitsaalillugu iliuuseqartinniarpaat.
Nutaarsiassaqartitsivik Reuters naapertorlugu arfininngormat taamatut paasissutissiivoq Labourimi siulittaasoq Jeremy Corbyn.
Inatsisilerinermik ilisimasalik aviisimut The Guardianimut oqarsimavoq, Johnsonip inatsit nutaaq malinngikkuniuk parnaarussaasinnaasoq.
Inatsit sapaatip akunnerani siusinnerusukkut konservativit sinnerlugit inatsisartuni ilaasortaatitat 21-usut partiimit naalakkersuisuutitaqartumit anillutik illuatungiliuttut peqatigalugit taasimmata akuerineqarpoq.
Inatsit malillugu EU Tuluillu Nunaat isumaqatigiissuteqanngippata Tuluit Nunaata brexitsip kinguartinneqarnissaa pillugu EU qinnuigissavaa.
- Ministeriunerup Inatsit Nummer 6 malinngikkuniuk narrunarsaasutut eqqartuussaassutigisinnaavaa, eqqarsartaaserlu malillugu - tamanna parnaarussaanermik kinguneqarsinnaavoq, oqarpoq Philippe Sands, suliaq pillugu Queens Counselimut, Tuluit Nunaannut pisortatigoortumik illersuisumut siunnersuisimasoq.
- Tuluit Nunaat inatsisit malillugit aaqqissugaavoq, taamaammat inatsit malittariaqarpaa atorfiniluunniit qimattariaqarpaa, Sands oqarpoq.
Johnson sisamanngormat oqarsimavoq, brexitsip kinguartinneqarnissaa pillugu EU-mut qinnuiginninnissamiit kussiami toqungarusunnerulluni.
Uppernarsarsimavaa Tuluit Nunaata oktobarip 31-ani EU-mit anininissaa qulakkeerniarlugu, tassa europamiut avinnissaannut isumaqatigiissuteqarluni isumaqatigiissuteqaraniluunniit.
Politikkikkut oqaaseqartartut arlallit oqaatigisimavaat, Johnson EU-mik isumaqatigiissuteqarani anisoqarnissaata tungaanut ingerlarsortoq. Inatsisartut ataasinngorpat katersuuppata oktobarip 15-iani qinersisoqarnissaa nalunaarutiginiarpaa. Tassa inatsisartut piumassuserinngisaminnik sapaatit akunnerini tallimani sulinngiffeqartillugit aallartinneqannginneranni.
Illuatungiliuttut tamarmiullutik nalunaarutigisimavaat tamanna akornuserniarlugu. EU-mik isumaqatigiissuteqarusupput