Skip to main content

Nitter akitsuusersueriaaseq pillugu: Atorsinnaanngilaq

Mittarfeqarfiit akitsuutinik qaffaanerat Air Greenlandip pisortaata Jacob Nitter Sørensenip paasisinnaavaa. Akitsuusersueriaaserli allanngortinneqartariaqartoq isumaqarpoq

Air Greenlandip billetsinik qaffaasariaqalernera ilaasartunik iluarineqarnavianngilaq. Akitsuusersueriaaseq maanna atorneqartoq Air Greenlandip pisortaata Jacob Nitter Sørensenip ajuusaarutigaa. 

17 million koruunit

Mittarfeqarfiit akitsuusersueriaasertaava Air Greenlandip pisortaata isornartorsiorpaa. Taamaasilluni Air Greenland 17 million koruuninik akiligassaqarnerulissaaq - tamannalu ilaasartunit akilerneqassaaq.

'- Akigititanut akiliinissamullu malittarisassiamut nutaamut iluserititamut tunngaviusoq Mittarfeqarfinnut immikkut isertitaqarfiunerulissanngilaq, taamaattorli akigititat 4,9 procentinik iluarsiiviginerat ilanngunneqarluni' ingerlatseqatigiiffik Mittarfeqarfiit akitsuutinik qaffaanini pillugu ilisimatitsivoq.

Timmisartumik angalanermi akitsuutit Mittarfeqarfinnit aamma allanngortinneqarpoq. Akitsuutit tamarmik naligiimmik ingerlalissapput, siornatigut aasaanerani ukiaaneranilu angalasarnerit akitsuutaat assigiinngitsut. Nunamut allamut angalanermut akitsuut aamma annikillineqarpoq.

Ukiaanerani angalasunut eqquissaaq

- Ukiaanerani timmisartukkut angalasartut, nunaqavissuunerusut, allannguisoqarneranut akiliinersaassapput. Aasaanerani takornarianut allannguuteqartoqarpallaassanngilaq, Jacob Nitter Sørensen oqarpoq. Piffissani timmisartukkut angalasut ikinnerpaaffiini aaqqissueriaaseq eqqorneqassasoq aamma oqaatigaa.

- Piffissani angalasoqartoqarfiuallaanngitsuni timmisartut inunnik ulikkaaqqasarnissaat sulissutigiuarparput. Akitsuutit qaffanneqarnerat pissutaalluni soorlu ukiaanerani angalanissaq soqutigineqarunnaarsinnaavoq, Jacob Nitter Sørensen nassuiaavoq.

Tusarniarneqanngitsut

Akitsuutit allanngortinneqarnissaat Air Greenlandimit naatsorsuutigineqarsimanngilaq, juulip aqqaneq aappaani tusagassiutinut nalunaarummi aatsaat allannguisoqassasoq paasineqarluni. Akitsuusersueriaaseq ukiortaamit atuutilernissaa tassani ilisimatitsissutigineqarpoq.

- Akitsuusersueriaatsip allanngortinneqarnissaa Mittarfeqarfinnit sulissutigineqarsimavoq. Akitsuusersueriaatsip allanngortinneqarnissaa neriuutigaara, ukiaanerani angalasartut eqqorneqarneqannginnissaat anguniarneqassalluni, Air Greenlandip pisortaa nassuiaavoq.

Nunap iluani angalaneq

- Nunap iluani angalasarnerit imaannaanngitsumik akitsuusersugaavoq, ukiaanerani angalasunut eqquisussanngoqqalluni. Neriuppunga paasineqassallunga allannguisoqarnissaanik oqariartuuteqarama, Jacob Nitter Sørensen Mittarfeqarfinnut oqariartuuteqarpoq.

Akit assigiinngitsut: 

Sineriammi najugallit Københavnimut siumut utimullu timmisartornermut akitigititat (ataasiarluni aqqutaani minneq)

  • Aasakkut: 40 kr.-imik akikinnerussaaq
  • Ukiakkut: 145 kr.-imik akisunerussaaq

Kalaallit Nunaata iluani angalaneq ataasiarluni aqqutaani minneq:

  • Aasakkut: 66 koruunimik akisunerussaaq
  • Ukiakkut: 220 koruunimik akisunerussaaq

Islandimut siumut utimullu aki:

  • Aasakkut: 106 koruunimik akikinnerussaaq
  • Ukiakkut: 75 koruunimik akikinnerussaaq

Læs hele sagen:

  1. Det bliver dyrere at flyve fra nytår
  2. Timmisartumik ilaalluni angalaneq ukiortaamit akisunerulissaaq
  3. Det er en ommer
  4. Ny model for flyafgifter får det glatte lag
  5. Timmisartuussinernut akitsuusersueriaaseq isornartorsiorneqarpoq
  6. Flyafgifter modarbejder turisme-erhvervet
  7. Flyafgifts-model skal ændres
  8. Timmisartuussinermi akitsuutit allanngortinneqassapput
  9. Flyafgifts-model skal ændres
  10. Danielsen forsvarer højere flyafgifter
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER