Timmisartumik ilaalluni angalaneq ukiortaamit akisunerulissaaq

Mittarfeqarfiit atuisunut akigititani allanngortimmagit Air Greenlandimut sunniuteqarpoq. Timmisartuutileqatigiiffimmut ilaasartunut ukiumut 17 million koruuninik naleqassaaq

Kronprinsfamilien i Grønland, Air Greenland, Nuuk Lufthavn

Malittarisassiat nutaat akigititanut akiliinissamullu periutsit nutaat allanngortinneqartut Mittarfeqarfiit juulip aqqaneq aappaani nalunaarutigaa. Tamanna ukiortaamit atuutilissasoq ilisimatitsissutigineqarpoq.

Air Greenlandip allannguinissat nalilersorpai, tassani suliffeqarfimmut ilaasunullu qanoq sunniuteqassanersoq misissorneqarluni.

Ilaasunut akigititat

Nalilersuinerit qanoq inerneqarsimanersut Air Greenlandip pisortaata Jacob Nitter Sørensenip Sermitsiaq.AG-mut nalunaarutigai.

- Timmisartumut ilaanermut akileraarut 11,7 million koruuninik qaffanneqartariaqassaaq. Juunimi 2018-mit juunimut 2019-mut tamanna misissorneqarnerani paasinarsivoq, Air Greenlandip pisortaa
oqarpoq.

- Timmisartumut ilaanissamut akileraarut immikkoortuuvoq. Fem million koruunit allatigut aamma nassaarineqartariaqassapput, ilisimatitsivoq.

Mittarfeqarfiit allannguineri pissutaallutik Air Greenlandip ilaasuisa allannguut akilertariaqassagaat oqarpoq.

Akit

Nuummit Københavnimut utimullu timmisartumik angalanissamut billetsi 145 koruunimik akitsussaaq januaarip aallaqqaataanit. Taakku akileraarutit akitsuutillu matussusissavaat. Air Greenlandip akigititaa allannguuteqassanngilaq.

Assersuutigaluguli Upernavimmiunut aamma Paamiormiunut akitsuinerit eqquinerussapput.

Illoqarfinni taakkunani najugallit Københavnimut utimullu angalassagunik 365 koruuninik akisunerulissaaq.

Akigititat nutaat

Taamatut allannguuteqartoqarpoq Mittarfeqarfiit Atlantiku qulaallugu timmisartuussinerit akitsuutaat appartinnikuummassuk, nunalli iluani timmisartuussinerni akitsuutit qaffallugit. Akitsuusersueriaaseq ataasiinnaq atorneqarpoq, siornatigut allaanerunikuulluni. Siornatigut akitsuutit annikinnerusarnikuupput angalasoqarpiannginnerani, angalasoqarluartillugu akitsuutit qaffasinnerusarnikuullutik.

Mittarfeqarfiit akitsuutinik allannguinerat Naalakkersuisunit akuerisaavoq.

Powered by Labrador CMS