Skip to main content

Asiamiut aningaasaliisartui Nuummi akisuumik akunnittarfiliorniarput

Aningaasaliisartut eqimattat Asiaminngaanneersut Nuummi akisuumik akunnittarfiliortoqarnissaanut aningaasaliinissaminnut piareersimapput.

Nuummi atlantikoq qulaallugu timmisartunut anginerusunut mittarfiliortoqarnialermat nunat arlallit illoqarfiit pingaarnersaanni aningaasaliinissaminnut piareersimapput.

Kommuneqarfik Sermersooq aningaasaliisartunik eqimattanik asiamiuusunik akunnittarfiliortoqarnissaa pillugu qaammatini arlalinni kingullerni oqaloqateqarsimasoq, Sermitsiaq.AG-p paasivaa.

Norgemeersoq Hurtigruten Nuummi akunnittarfiliussalluni aalajangereerpoq, Hotel Hans Egedellu piginnittai, Carl Juhl aamma Helge Tang Nuummi aqquserngit pingaarnerit ilaanni, illoqarfiup qiterpasissuani akunnittarfiliorlutik naammassingajalerput.

Aningaasaliisartut soqutiginartut

Asiamiut aningaasaataat Kalaallit Nunaanni illoqarfiit pingaarnersaannut inissinneqaratarsinnaanerat soqutiginaateqarpoq. Sermitsiaq.AG-mut ilisimatitsissutigineqanngilaq aningaasaliisartut nunanit sorlerninngaanneersuunersut, aningaasaliisartulli Kinameersuunngitsut Sermitsiaq.AG-p oqaloqatigisaata ilisimatitsissutigaa.

Akunnittarfiliornissamut pilersaarutit ajunngitsumik inississappata eqqarsaatigineqalereersimavoq aningaasaliisartut soqutiginarluinnartut allat Asiameersut Kalaallit Nunaanni aamma aningaasaleerusulissasut.

Aningaasaliisartut eqimattat Hotel Hans Egedemit mikinerulaartumik akunnittarfiliornissaminnut pilersaaruteqarput, inuulluataarutilli sipaarneqassanngimmata akunnittarfik pisuujunerusunut akunnittarfittut naatsorsuussaassaaq.

Anguniagaq malilluinnarpaa

Takornarialerinermi periusissiami anguniakkat, taama takorluugaqarneq malilluinnarpaa. Periusissiamimi anguniarneqarpoq immikkut ittunik misigisassarsiorniarlutik takornariat tikisinniarneqartassasut, taakkuuppummi suut qanoq akeqarneranik apeqqusiineq ajortut. Takornariat immikkut ittunik misigisassarsiorusuttartut tassaapput pitsaalluinnartunik misigisaqarusuttut, ataatsimoorlutillu attartorlutik takornariartut taama ittunut akissaqartanngillat.

Hans Egedep eqqaassutissaa qanoq pineqassava? Illit isummat politikerinut tusartiguk
Borgmester Charlotte Ludvigsenip illit innuttaasutut Hans Egedep eqqaassutissaata siunissami qanoq pineqarnissaa pillugu oqallinnermi tusarneqarnissat pingaartillugu oqallinnermik pilersitsivoq....
Aasaanerani atuanngiffeqarnerup nalaani aaqqissuussinerit: Pattagissami klaverimi imaluunniit mixerpultimi nipimik nuannersuliorneq ilinniaruk
Aasaannaqaaq, taamaattumillu sunngiffeqarnissamut piffissaqarnerulissallutit. Taavami sulerissavit? Kommuneqarfik Sermersooq tamanut assigiinngitsorpassuarnik aaqqissuussisussaavoq. Allaaserisami...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER