Nunanit allanit aningaasaliinernut danskit akuliuttarnissaat Mette Frederiksenip mattunnianngilaa
Pissaanilissuit siunissami Nunatsinnut suli soqutinninnerulissasut statsminister Mette Frederiksen eqqoriaavoq. Aningaasaleerusuttut Danmarkip misissoqqissaartarniarpai
Kalaallit Nunaanni aningaasaliinissamut soqutiginninneq annertusiartortillugu, ingammik kinamiunit aamma amerikamiunit, isumannaallisaanermut politikkimut attuumassuteqarsinnaavoq. Taamaattumillu ministeriunerup Mette Frederiksenip, nunanit allanit aningaasaliinerit pillugit Danmarkip tusarneqaqqaarneqarnissaanik pisoqarsinnaanera oqaatigaa.
Taanna AG-mut taama oqarpoq.
USAp aamma Kina Nunatsinni aningaasaliinissamut soqutiginninnerat immikkut ilisimasallit arlallit nalilerpaat sumiiffimmi najuunnermut politikkimut attuumassuteqarluinnartoq.
- Suliniutini annertuuni annertuumik aningaasaliisoqassatillugu Danmarkip tusarniaaffigineqartarnissani piumasarissavaa?
- Naalagaaffeqatigiinneq ukiut ingerlaneranni naligiissumik suleqatigiinnermut Kalaallit Nunaata Danmarkillu akornanni ineriartorsimavoq. Siunissami unammilligassat nunanut allanut atuumassuteqartut Kalaallit Nunaata Danmarkillu suleqatigiinnerunerannik pisariaqartitsiffiusussaapput, Mette Frederiksen oqarpoq.
- Tassa imaappa annertuumik aningaasaliiniartut Kalaallit Nunaannut appakaannissamik piumasaqarpata Danmark tusarniaaffigineqartarnissamik piumasaqartoq?
- Tamatumani pissutsit suut atuunnersut apeqqutaasarumaarput, Mette Frederiksen naatsumik akivoq.
Mette Frederiksenip AG-mit apersorneqarnera aviisimi saqqummertumi kingullermi atuarsinnaavat, taanna uani ataani isissutissarsiffigisinnaavat: