Takornariartitsisartut peqatigiiffiat ammit qalipaataanik immikoortitsisuunerarneqartoq
Takornarianik angallassisartut nunami allamiut atorneqartannginnissaat Greenland Connectorsip anguniarpaa, akerlianillu nunaqavissut sulisorineqartarnissaat qulakkeerniarneqarpoq – tamannalu takorniartitsinermik suliaqartunik avissaartuutsitsivoq
Takornarianik angallassisartut tamarmik nunaqavissuunissaat, Ilulissani takornarialerinermik suliaqartut peqatigiiffiata upernaaq pilersinneqartup Greenland Connectorsip anguniarpaa.
Takornariartitsisartut nunaqavissut aamma nunani allaninngaanneertut, takornariassanik angallassisartunik nunani allanngaanneertunik Ilulissani eqqaanilu atuisarnerisa annertusiartuinnarnerat, peqatigiiffimmik pilersitsisut ernunartoqartippaat. Takornariarpassuillu ukiut tamaasa Ilulissanut tikittartut qallunaanit Kalaallit Nunaat pillugu ilisimasakippallaartunit angallanneqaratik, nunaqavissunik angallassisoqartarnissaat pingaaruteqarluinnartoq, peqatigiiffimmk pilersitseqataasut ilaat isumaqarpoq.
Greenland Connectorsip pilersinneqarnera ammip qalipaataanik immikkoortitsinermik aallaaveqartoq, Arne Niemann, Ice Cap Toursimik piginnittuusoq, sakkortuumik upuaraalluni oqarpoq.
- Ajoraluartumik pissutsit taamaattut akuuffigisinnaanngilakka. Tusaasinnaasakka malillugit ammip qalipaataanik immikkoortitsinertut nipeqarpoq, tamannalu suleqataaffigisinnaanngilluinnarpara. Taamattoqarnera assut ajuusaarnarpoq. Siullertut erseqqissaatigissavara suliffeqarfiutinnut nunaqavissunik tamakkiisumik sulissussanik pissarsinissara ajornakusoortorujussuumat. Aamma tamanna akunnittarfiit aalisakkeriviillu ajornartorsiutigaat. Tamaattumillu avataaniik sulisussanik pissarsinissaq pisiariaqarpoq, taanna Sermitsiamut oqarpoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: