Pisiffiup pequtaarniarfik pisiaraa
Pisiffik A/S-ip pequtaarniarfik Sweet Home Greenland Nuummiittoq pisiaraa.
Jan Køhlerip Sweet Home Greenlandimeersup pigisani nalillit Pisiffimmut tunivai.
Allannguutit annerpaartaat pappilissaniippoq. Pequtaarniarfimmi annertuumik allannguutinik malunnartoqassanngilaq. Sweet Homemi sulisut ilisarisimaneqartut tassaniissapput, Jan Køhlerilu niuertarfimmi tuniniaarnermut aqutsisuuginnassaaq, tassani saagunik, igaffinni aamma naternik, pisisartullu inuussutissarsiortut annermik suliassaqarfigissallugit, tusagassiuutinut nalunaarummi tamanna ilisimatitsissutigineqarpoq.
- Aaqqiissut nutaaq nuannaarutigisorujussuuara, Sweet Home maanna Pisiffimmut ilaalerpoq. Pequtaarniarfimmik kusanartumik aamma siammasissumik nioqqutissaqartumik takorluukkama piviusunngortinnera qulakkeerpaa. Sweet Homemut periusissiara Pisiffiup ingerlateqqissavaa, pisiniartartuttalu pisiniarfimmi suli naapittarnissaat qilanaaraara, Jan Køhler oqarpoq.
Sweet Homep pisiassaatai pequttat, saagut, igaffiit aamma natit allanngortinneqarnianngillat. Pisiniarfiup sumiiffia ikuallaaviup eqqaaniittoq aamma ammasarfiit allanngussanngillat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...