Skip to main content

Nuummi aqqusernit sisamanngorpat assersorneqassapput

Amerikamiut nunanut allanut tunngasunut ministeriata Nuummut aamma Kangerlussuarmut tikeraarneranut atatillugu isumannaallisaanermik suliaqartorpassuit atorneqassapput, tamatumalu kingunerissavaa, Nuummi aqqusernit sisamanngornermi ullaakkut assersorneqarnissaat.

Nuummi aamma Kangerlussuarmi innuttaasut sisamanngorpat amerikamiut nunanut allanut tunngasunut ministeriata Mike Pompeop, Kim Kielsenimik aamma Ane Lone Baggerimik ataatsimeeqateqartussap tikeraarneranut atatillugu, politiit naligninnaasumit amerlanerujussuunissaat malugissagaat, Kalaallit Nunaanni Politiit ilisimatitsipput.

Ingerlassissasut

- Politiit suliaqarnerannut atatillugu siuleriiaallutik ingerlaartoqassaaq, politiit biilii aammalu- motorcykelit ikiuiartornermi qulliit ikittaartillugit Nuummi ingerlaarfigissuaat, amerikkarmiut nunanut allanut ministeriata Nuup mittarfianiit Hans Egedep illuanut ingerlaarnerata qaniorneranni.

- Tikeraartoqarnerani aqqusernit paarlaaffiini Nuummilu aqqusernit sisamanngornerup ullaap tungaani assersorneqassapput – tikeraarnerlu pinissaa ilimangineqarpoq piffissami nal. 08.00-10.00 akornanni ingerlassasoq- siullermillu ullup qeqqata siorna, siunertaralugu navianaateqanngitsumik qaniuineq akornuteqanngitsumik illoqarfiup iluatigut ingerlaarnissaat.

- Aqqusernit ammaqqinneqaqqissapput, qaniuineq illoqarfikkut ingerlareerpata.

Ilitsersuutit malinneqassasut

Taamaattumik Kalaallit Nunaanni Politiit innuttaasut piumaffigivai, tikeraarnerup piffissap nalaani aqqusinikkut angallannerit atussanngikkaat politiillu ilitsersuutaat malissallugit:

Tamannalu tunngavigalugu Politimester Bjørn Bay ima oqaaseqarpoq:

- Neriuppunga innuttaasut paasinnillutik naammagittarlutillu takutitsiumaartut amerikkarmiut nunanut allanut ministeriata tikeraarneranut atatillugu, aammattaaq ulloq eqqissisimasumik torersumillu ingerlajumaartoq.

Sermersooq: Inissiat kommuninut tunniukkallarsigit
2019-imi Nuummi innuttaasut 2018-imut sanilliullugu 400-t sinnerlugit amerleriarput. Innuttaasut amerliartornerat ilutigalugu, Namminersorlutik Oqartussat inissiaataat 108-t atorneqanngillat. Tamanna...
Qatserisarfik qatserisartuni aalajaatsut pillugit nalliuttorsiorpoq
Ukiuni 40-ni kingullerni qatserisartut aalajangersut Nuumminngaanneersut illoqarfiit pingaarnersaanni ikuallattoqalersillugu orniguttarput qamiteriartorlutik, inuunermillu annaassiniariartorlutik....
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER