Inuiaqatigiinnut kiffartuussineq inissiisarfimmiinnermiit pitsaaneruvoq
Inuiaqatigiinni kiffartuussinissamik pineqaatissinneqarnermigut 35-nik ukiullip ilinniarfimmi inissani tigummiinnarsinnaavaa. Inuiaqatigiinnut kiffartuussinissamik pineqaatissinneqarsimasunik ilagiinnut tikilluaqqusineq inuppalaartuunermut tunngassuteqarpoq.
-Piffissaq kigaatsuararsuarmik ingerlasarpoq.
Taama 35-nik ukiulik Inuk B., nakuusersimanini pillugu akunnerni 60-ini inuiaqatigiinnut kiffartuussisussatut pineqaatissinneqarsimanerminik qanoq misigisaqarnini pillugu, aviisimut AG-mut oqaluttuarpoq.
Akunnerit oqaluffimmi sulinermut atorneqassapput, oqaluffiimmi inuiaqatigiinnut kiffartorfiusussatut Pinerluuteqarsimasunut Isumaginnittoqarfimmut periarfissiisut akornanniipput.
AG-mit qanittukkut oqaluttuarineqartutut inuit inuiaqatigiinni kiffartuussinissamik pineqaatissinneqartartut amerliartorput. Ukiut qulit matuma siorna aallartinnermi marlussuinnaasimariarlutik, ullumikkut inuit 40-t missaanniittut inuiaqatigiinnut kiffartortutut sumiiffimmi immikkut toqqakkani sulipput.
- Ajunngilaq, inissiisarfimmiinnermit ajunnginneruvoq. Sulimi ilinniakkannik ingerlataqarpunga, Inuk B. aviisimut AG-mut oqarpoq.
Ikiorneqarnissamik pisariaqartitsisut
Hans Egedep Oqaluffiani palasi Aviaja Rohmann Hansen paasissutissiivoq, ilagiit ukiorpanngortunik inuiaqatigiinnut kiffartuussivittut atuussimasut.
- Ilagiinnut tunngasunik suliaqarnitsinni paasissutissarpassuit isertuunneqartussaasut suliarisarpavut. Taamaattumik inuiaqatigiinnut kiffartuussisut qanoq annertutigisumik peqataatissinnaanerivut killeqarpoq, Aviaja Rohmann Hansen oqarpoq.
Inuiaqatigiinnut kiffartuussisunut oqaluffik qanoq ikiuunniartarnersoq pillugu aviisimi AG-mi atuarnerusinnaavutit. Aviisi AG uani ataani pissarsiarisinnaavat: