Ukioq manna Sisimiuni Koda Awards ingerlanneqassaaq
Apriilip naalernerani Koda Awards Sisimiuni Kulturip Illorsuani Taseralimmi ingerlanneqalerpat,kalaallit nipilersortartut persuarsiutigineqassapput.
Arfininngornermi 20. april Koda Awards agguaanneqarneranni, kalaallit nipilersornermik kulturiat Kodap
nersorniarpaa. Arctic Sounds-festivalimut 18 – 22. april ingerlasussamut atatillugu nersornaasiisoqassaaq.
Nersornaasiinermut komité nunatsinni tusagassiuutineersunik kattuffinneersunillu ilaasortaqarpoq:
Andreas Poulsen (KNR), Noah Mølgaard (AG), Ejlert Knudsen (Katuaq) kiisalu Nipilersortartut Kattuffiat NN
sinnerlugu Nukannguaq Geisler.
2019imi nersornaasiinerit
Koda Awards 2019 ingerlanneqalerpat nersornaatit marluk tunniunneqassapput. Nersornaatit marluk
tassaapput Ukiumut Nersornaat kiisalu Isumalluarnartumut Nersornaat. Nesornaatinut immikkut pingasut
innersuunneqarput.
Ukioq manna Koda Awardsimut piukkunneqartut tassaapput:
Ukiumut Nersornaat 2019
Don Maliko - Malik Egede, albummi ’II’ pillugu
Yenso - Jens Ole Nathanielsen, albummi ’Perserartoq’ pillugu
Nick Ørbæk albummi ’Saappara’ pillugu
Isumalluarnartumut Nersornaat 2019:
Sound of the Damned
Malu Rohmann
Hans-Ole Amossen