Ilisimasallit isumalioqatigiissitaq ikiussavaat

Tunngaviusumik inatsissaq pillugu isumalioqatigiissitassaq sulilluni aallartinnginnermini pappilissanut immikkoortunut marlunnut paasinneqqaassapput. Suliassanut nassuiaatit aammalu allakkat tallimanik qupperneqartut ima qulequtaqartut: ”Tunngaviusumik Inatsisissaq pillugu Isumalioqatigiissitap suliassaasa nassuiarneqarneranni sinaakkutissatut piumasaqaatit”.

Inassutit

Allakkat piumasaqaatinut tunngasut isumaliutissiissutip saniatigut aamma suleqatigiissitanik sorlernik, isumalioqatigiissitap pilersitsisariaqarneranik inatssutinik imaqarpoq aamma ilisimasalinnik atuinissamut kajumissaarummik.

Suleqatigiissitat aamma ilisimasallit sammisarisinnaasaasa suusinnaanerat, tassani atuarneqarsinnaavoq:

Innuttaasut pisinnaatitaaffii Naalagaaffik Kalaallit Nunaat eqqarsaatigalugu

• Naalagaaffiup pisortatigoortumik upperisaa upperisarsiornikkullu kiffaanngissuseqarneq
• Killiligaanani oqaaseqarsinnaaneq qanoq annertutigissava?
• Pisuussutsit uumaatsut kiap pigai?
• Inuup ataatsip pisinnaatitaaffii inuiaqatigiit pisinnaatitaaffiinut sanilliutissagaanni qanoq annertutigissappat?

Aqutseriaatsit pillugit suleqatigiissitaq

• Parlamentarisme (inatsisiliortuni amerlanerussuteqartuni naalakkersuisuutitaqartarneq) akuersaartoq (positiivi) paarlattuanillu akuersinngitsoq (negatiivi)– sorleq Kalaallit Nunaannut siunissami naapertuunnerua.
• Nunat tamalaat akornanni naalagaaffeqarnikkut peqataatitaqartarnerit pitsaaqutaat akornutaallu, tamakkulu siunissami aqutseriaasissamut qanoq piumasaqaateqarnerat.

Siunissami Kalaallit Nunaata Danmarkillu akornanni attaveqariaatsit qanoq ittuunissaat, tassunga ilanngullugu Free Association, naalagaaffeqatigeeriaatsillu assigiinngitsut il. il.

Aningaasarsiornikkut ileqqaartarnikkullu aaqqissueriaatsit namminersulivissimanerup iluani.

Tunngaviusumik inatsisissatut siunnersuut inatsisissatut missingiutitut iluseqartillugu tunniunneqassaaq, pappilissani tamanna atuarneqarsinnaavoq. Tassungalu siunnersuummut nassuiaatinik kiisalu siunnersuummi aalajangersakkanut ataasiakkaanut nassuiaatit ilaassapput.