Nunatta Eqqumiitsulianik Saqqummersitsivissaa nutaami inissinneqassaaq
Nunatta Eqqumiitsulianik Saqqummersivissaa suli ilusilersungaannaangaluarluni illoqarfiit pingaarnersaanni pingajussaanik inissinneqarpoq
Naak Nunatta Eqqumiitsulianik Saqqummersivitsivissap maanna Nuummi allarluinnarmi inissinniarneqaleraluartoq piviusunngortinniarnera attatiinnarneqarpoq.
Nunatta Eqqumiitsulianik Saqqummersitsivissaq Nuussuup mannguani Nuup Kangerluanut Akianullu isivikkiveqarluni inissinneqarnissaa Kommuneqarfik Sermersuumi Sanarfinermut Avatangiisiimut Ingerlatsiviup ataatsimiititaliamut innersuussutigaa.
Siulittaasoq naammagisimaartoq
- Inissisimavik taanna assut naammangisimaarparput, saqqummersitsivissap aningaasalersorneqarnissaanut aningaasaateqarfimmi siulittaasoq Josef Motzfeldt paasissutissiivoq.
Qinngorput naluttarfiullu Maliup akornanni mittarfissallu nutaap qanitaani inissismavissaralua pitsaanerpaanngilaq tassanilu sanaartorfigissaarpallaanngimmat biilinut inissiisarfissaq pitsaanerpaanaviarani.
Avammut isikkivigissaarneq
- Inissisimavissaani nutaami Nuutoqqamiik Ilinniarfissuaq GUX-lu nutaaliaasoq sanioqqullugit Akianut avammut kangerlummullu isikkivigilluinnartumut pisuttuartoqarsinnaavoq, Josef Motzfeldt nassuiaavoq.
Taassuma paasissutissiaraa, ulloq 1. maj aningaasaateqarfimmi siulersuisut ataatsimiissasut.
- 200 million koruuninut akeqartussap isikkulersornera paasissutissanillu immersornera siulersunut saqqummiussassamik suliaqartussaavugut, Josef Motzfeldt kommuni ingerlatsineranik politikkikkut taperserneqarnissaanik qilanaarutigalugu oqarpoq.
Politikkikkut tapersiineq
Nunatta Eqqumiitsulianik Saqqummersitsivittaarnissaanik isumassarsinermiit ukiut 13-it sinneqarput, aningaasaateqarfiulli siusinnerungaartukkut pilersitsinissaa ilamanartarsinnaavoq.
- Inatsisartuni ilaasortat pilersaarummik tapersiisimanerat pingaaruteqarpoq, aningaasaateqarfimmi siulittaasoq suliniutip aallartisarneqarnissaanut aningaasanut inatsimmi immikkoortitsivigineqarsimanera tikkuarlugu oqarpoq.
Aningaasat pisariaqartinneqartut naammassineqarpata , aningaasaateqarfiup suliap Namminersorlutik Oqartussanut aamma Kommuneqarfik Sermersuumut ingerlateqqinnissaa pilersaarutaavoq.
- Uagut illussanik sanaartornerit ilisimasaqarfiginngilagut. Ingerlatsinermut aningaasartuutit 40 procentii kommunimit sinnerilu Namminersorlutik Oqartussanit aningaasalersorneqarniarnerat nuannaarutigaarput, siulittaasoq oqarpoq.
Tamanut tusarniaaneq
2010-mi illussanik titartaasartut unammisinneqarput, taamani nunarsuarmi ilisimaneqarluartoq danskit suliffeqarfiutaat Big Bjarke Ingels Group, Rambøll aamma TNT Nuuk aamma illussanik titartaasartoq Inge Bisgaard suleqatigalugit ajugaatinneqarput.
Sanarfinermut Avatangiisimullu Ataatsimiititaq ulloq 22. marts ataatsimiissaaq, nutaamik inissiinissaq isumaqatigineqassappat siunnersuut, sapaatit akunnerini arfineq pingasuni tamanut tusarniutigisassatut, Aningaasaqarnermut Inuussutissarsiornermullu Ataatsimiititamut ingerlateqqinneqassaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...