Mittarfissualiornissanut siulittaasup akissarsiai amerleriarujussuartut

Kalaallit Airportsimi siulersuisuni siulittaasup Johannus Egholm Hansenip akissarsiai aasaq amerleriarujussuarput. Ukiumut 500.000 koruuninit 750.000 koruuninut amerleriarlutik. Siulersuisunut siulittaasunut akissarsiaritinneqartut taamaasilluni qaangerneqarput

Naalakkersuisut siulersuisunut ilaasortanut akissarsiarititaat 250.000 koruuninik qaangerneqartut takuneqarsinnaavoq.

Naalakkersuisut siulersuisunut siulittaasunut politikkiat 2015-imeersumi takuneqarsinnaavoq trin-ikkaarlugit akissarsiaritinneqartartoq atorneqartoq. Namminersorlutik Oqartussat suliffeqarfiutaanni Royal Greenlandimi Kalaallit Airportsimilu siulersuisunut siulittaasut 500.000 koruuninik aningaasarsiaqartitsisoqarpoq, kaaviiaartitaat 3 milliard koruunit sinnerlugit suliffeqarfiit taakku kaaviiaartitaqarmata.

Immikkut ittumik ataatsimeersuarnermi inuk ataasiinnaq najuuppoq, tassani eqqarsuussissuserisoq Poul Knudsenip Naalakkersuisut siulersuisunut siulittaasunut akissarsiarititaasut Kalaallit Airportsip siulittaasuanut allanngortimmagit.

- Akissarsiaqartitsinermut allannguisoqarnissaa siunnersuutigineqarpoq:

Siulittaasoq 500.000 koruunimit 750.000 koruunimut
Siulittaasup tullia 300.000 koruunit (allannguuteqanngilaq)
Siulersuisunut ilaasortanut 200.000 koruunit allannguuteqanngilaq

Johannus Egholm Hansenip Namminersorlutik Oqartussanut aningaasarsiani qaffatsinniarlugit qinnuteqarsimanersoq Sermitsiaq.AG-mit aperineqarpoq.

- Tamanna oqaaseqarfigerusunngilara. Namminersorlutik Oqartussat siulersuisunut allattoqarfia apeqqut apeqqutigineqarsinnaavoq, Johannus Egholm Hansen oqarpoq.

Namminersorlutik Oqartussat siulersuisunut akissarsiaritinneqartut 500.000 koruunit qaangerlugit akissarsisoqarsinnaannginneranik politikki allanngorsimagunarpoq, tassami inatsit 2015-meersuuvoq.

Partii Naleqqamit Pele Brobergip paasisinnaanngilaa sooq Kalaallit Airportsimi siulersuisunut ilaasortaq Royal Greenlandimi siulersuisunut ilaasortamit akissarsiaqarnerussanersoq. Tamanna pillugu Naalakkersuisunut qulingiluanik apeqquteqarpoq:

- Tupinnaqaaq Kalaallit Airports A/S-ip siulersuisuinut akissarsiarititaasut Royal Greenland A/S-imiit annerungaatsiartut, naak ingerlatsivik minnerungaatsiartoq. Tamassuma patsisaanut inuiaqatigiit piginnittuusut paasitinneqartariaqarput, apeqquteqarnerminut tunngaviliilluni Pele Broberg allappoq.

Powered by Labrador CMS