Imigassartorsimallutik biilertut agguaqatigiissillugu ullormut ataaseq

Julefrokostertoqartalerneranili biilerlutik angerlartut - biilertussaanngikkaluartut - arlallit naammattoorneqareerput.

Julefrokostertoqartarnerani ileqqut attatiinnarneqassapput. Juullimummi tunngatillugu periaatsit nuannerluinnartut, ulluni taakkunani pisarput.

Aammali ileqqut ilaat ajoraluartumik nuannerpallaanngillat. Juullimi nalaani julefrokostersimasut arlallit imigassartorsimallutik biilerniartarput.

Imigassartorsimallutik biilersimasut pillugit suliassat 14-it Kalaallit Nunaanni politiit novembarip 22-anili pissarsiarisimalerpaat. Decembarillu ulluini siullerni aqqaneq-marlunni ullut tamaasa ataatsimik suliassaqalertarpoq. Kalaallit Nunaanni politiit Sermitsiaq.AG-mut ilisimatitsipput.

Aammalu ataasiaq

Suliffeqarfiit arlallit sulisuminnik julefrokostitsereerput. Sapaatip akunneranili maanna naalersumi julefrokostertoqangaatsiartussaavoq.

Juullillu nalaani sulinngiffeqarneq aallartingajalermat, imigassartorsimallutik biilertut kingulliungassasut aamma neriuutigiinnarneqarsinnaavoq.

Powered by Labrador CMS