SAS-ip piginneqataassutaasa tamarmik pisiarineqarnissaat isumaliutigineqarpoq

Air Greenland pingasunit pigineqartoq allanngorataannaavoq.

Naalagaaffiup 25 procentimik piginneqataanera Namminersorlutik Oqartussanit pisiarineqassasoq Lars Løkke Rasmussen isumaqatigiittoqarnerani oqarpoq.

SAS tusagassiutinut nalunaaruteqarpoq Namminersorlutik Oqartussat SAS-ip piginneqataasutaa 37,5 procentiusoq, pisiariniarlugu.

Naalagaaffiup Kalaallit Nunaatalu isumaqatigiissutaat malillugit piginneqataassutsit tunineqassasut ilisimatitsissutigineqarpoq.

Piginneqataassutsit qanoq naleqassanersut ilisimaneqanngilaq, SAS-illi kingullermik ukiumoortumik missingersuutaani takuneqarsinnaavoq Air Greenlandimut piginneqataanera 355 million svenske koruuneqartoq. Tamanna 300 million koruunit missaannik naleqarpoq.