Nakuuserneq: Nuuk Centerip silataani angut unatarneqartoq
Angut nakuusertumit saassunneqarluni sussaajunnaarluni unatarneqarpoq. Pinerluuteqartutut pasisaq politiinit tigummineqarpoq.
OBS: Allaaserisaq pisoq Katuap saavani pinerarlugu paasissutissaqalersillugu nutarterneqarpoq, taamaalillunilu Nuuk Centerimi pinngilaq.
Nakuusertoqarneranik nalunaartoqarnerata kingorna, politiit erngertumik Nuuk Centerimukartariaqarsimapput.
Angutip peqqarniisaartorujussuup angut alla saassussimavaa, assullu unatarsimallugu.
Paasissutissat ikitsuinnaat maanna pigineqartut, suliarlu suli misissorneqartoq, Nuummi Politiineersoq Julie Senderovitz Bendtsen Sermitsiaq.AG-mut ilisimatitsivoq.
Ajoqusersimasut nakorsiartarfiannukaanneqartoq
- Angut saassunneqartoq oqaloqatigaarput. Taanna saassunneqarnermi kingorna ajoqusersimasut nakorsiartarfiannukaanneqarpoq, politiineersoq ilisimatitsivoq, kingusinnerusukkut angut aqqunartitersimasoq politiit oqaloqatigissagaat oqaluttuarpoq.
Nuuk Centerimiittunut angutip ajoqusersimaneranik takusut aarasaartumik takunnipput. Angut saassunneqartoq niaqqumigut kilersimalluni centerimi natermi nalasimasoq, takunnittoq Sermitsiaq.AG-mut ilisimatitsivoq.
Pissutaasoq ilisimaneqanngitsoq
Angummit peqqarniitsumit pinngitsoq saassussisoqarsimanersoq, politiit suli ilisimatitsissutigisinnaanngilaat. Imminnut ilisarisimanersut, aamma suna pissutaanersoq. Misissueqqinnerup tamanna paasinarsisissavaa, Julie Senderovitz Bendtsen ilisimatitsivoq.
