Hans Enoksen akerlilerneqanngitsumik qinigaasoq
Hans Enoksen (PN) ilaasortanit tamanit 31-nit taaneqarluni Inatsisartunut siulittaasunngortinneqarpoq
Partiit naalakkersuisoqatigiit Hans Enoksen (PN) Inatsisartunut siulittaasunngornissaanik tapersersuinerat ersarereerpoq. Kisianni aamma Inuit Ataqatigiinnit aamma Demokraatinit Hans Enoksenip sassarnera taperserneqartoq oqalugiarnerni nalunaarutigineqarpoq.
Hans Enoksenip Inatsisartuni suleqatigiisitsilluarnissaanik ingerlatsinissaanik neriuuteqarnikkut tamanna pivoq.
Taamaattumik Hans Enoksen 31-nit taaneqarluni qinerneqarpoq.
Atorfini qajassuullugu aamma partiit naligiimmik pillugit atorniarlugu, taanna kingorna neriorsuivoq.
Siulittaasup tulliatut siullertut Mimi Karlsen (IA) qinerneqarpoq, Jess Svane siulittaasup tulliata aappaattut, Randi Vestergaard Evaldsen pingajuattut, Nikkulaat Jeremiassenilu sisamaattut.
Jess Svane aamma Nikkulaat Jeremiassen sinniisutut aggersarneqarnissaminnut utaqqigallartariaqassapput, tassami Inatsisartunut suli qinerneqannginnamik.