Skip to main content

Qasigiannguanit ikioqquneq: Issittumik Sakkutooqarfik, siku aserorteriartorsiuk

Inuussutissarsiorluni aalisarneq aallartinniassammat, Kommune Qeqertalimmi kommunalbestyrelsimut ilaasortap Issittumi Sakkutooqarfik Qasigiannguanukarluni sikumik aserorteriartornissaanik qinnuiginnippoq.

Qasigianguit eqqaani sikup aalisarnermik inuussutissarsiuteqartut illoqarfiup avataanut pillutik ammasumut aalisariarnissamut periarfissaat matoqqatippaat, taamaattumillu aalisarnermik inuussutissarsiuteqartut sikumit issusuumit eqqorneqarput.

Kommune Qeqertalimmik kommunalbestyrelsimut ilaasortaq, Inuit Ataqatigitigiinneersoq Kristian Jeremiassen, Issittumi Sakkutooqarfimmut kajumissaaruteqarpoq.

- Qasigiannguit eqqaanni siku issuallaarmat, pajuttaat aqqut alla atorlugu Qasigiannguanut tikippoq. Taamaattumik sikup Qasigiannguit eqqaaniittup inuussutissarsiorluni aalisarneq suli mattuteqqavaa. Issittumi Sakkutooqarfik, Qasigiannguanukarlutit illoqarfiup eqqaani siku aserorterlugu ikiortigut, Kristian Jeremiassen allappoq.

Illoqarfiup eqqaani sikoqarnera pissutigalugu angallatit qaleralinniutit anginerit aamma Qasigiannguani umiarsualivilimmut tulassinnaanngitsut, Kristian Jeremiassen ilisimatitsivoq.

LÆS OGSÅ: Pajuttaat Qasigiannguanut tikittoq

Issittumi Sakkutooqarfiup periarfissat misissorniarpai

Kristian Jeremiassenip saaffiginnissutaa Illersornissaqarfimmut nassiunneqarsimannguatsiarmat, ataasinngorpallu aatsaat ingerlateqqinneqassagunarmat, Issittumi Sakkutooqarfiup suli tigusimanagu, Issittumi Sakkutooqarfimmi tusagassiinermut siunnersorti, Jette Elkjær, Sermitsiaq.AG-mut ilisimatitsivoq, kisianni: 

- Tigoriarutsigu soorunami qanoq periarfissaqarnerluta takussavarput, Illersornissaqarfik taamatullu aamma Issittumi Sakkutooqarfiup suliatsinnut atatillugu periarfissaagaangat inuiaqatigiit maani tapersersormatigit, Jette Elkjær Sermitsiaq.AG-mut oqarpoq.

Issittumi Sakkutooqarfik ikiorneqarnissamik saaffiginnissutinik pissarsigajuttartoq, Jette Elkjær Sermitsiaq.AG-mut oqarpoq. Aamma inuinnarnit.

- Taakku piumasaqaatit nunaqarfimmit imaluunniit kommunimit Issittumi Sakkutooqarfimmut nassiunneqartarnissaat qinnuigisarpagut, taamaalilluta assersuutigalugu inuiaqatigiit sikumik aserorterisoqarnissaanik kissaateqarnersut qulakkeerniassagatsigu, Jette Elkjær oqarpoq, nangillunilu:

- Ilaatigut kissaatit assigiinngissinnaasarnerannik nalaataqartarpugut. Umiatsiaararsorlutik aalisartut sikumik aserorterinissamik kissaateqartut. Akerlianillu qimussertartut sikumik aserorterisoqannginnissaanik kissaateqartut.

Qasigiannguit eqqaanni sikup assingi allaaserisap qulaatungaani takusinnaavatit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER