21-nik ukiulik Ilulissani toqutsisutut eqqartuunneqartoq
21-nik ukiulik Manunnguaq Mathiassen toqutsisimanini pillugu ukiuni arfinilinni pineqaatissinneqarsimasunut inissiisarfimmiittussanngorlugu pineqaatissinneqarpoq. KNR taama allaaserisaqarpoq.
21-nik ukiulik Manunnguaq Mathiassen, 17-nik ukiulimmik toqutsisimanini pillugu Qaasuitsup Eqqartuussiviani ukiuni arfinilinni pineqaatissinneqarsimasunut inissiisarfimmiittussanngorlugu pineqaatissinneqarpoq. KNR taama allaaserisaqarpoq.
Siorna aggustip ulluisa 19-anni arfininngornermi politit Ilulissani najugaqarfimmut aggersarneqarput. Tassani ikinngutigiit unnuaq naallugu erngussimapput. Najugaqarfimmi 17-inik ukiulik arlaleriarluni savimmik kapineqarsimalluni ikilingaatsiarsimasoq nassaaraat. Taanna Nuummi Dronning Ingridip napparsimmavissuanut aallarunneqarpoq, kisianni inuunera annaanneqarsinnaasimanngilaq.
KNR-ip allaaserisaa naapertorlugu pineqaatinneqartup pineqaatissiissut tiguaa, kisianni suliassanngorteqqinnissaanut suli periarfissaqarpoq.