Tunissuteqarneq: Hardenberg-frimærki tunisaalluarsimasoq
MIO, meeqqat pisinnaatitaaffiinik illersuiniartuusoq marlunngormat Tele-Postimit 100.000 koruuninik tunineqarpoq.
Aningaasat tunniussat, ajunngitsoq siunertaralugu frimærkimik akisunaalaarlugu tunisanik sinneqartoorutineersuupput
Pengene blev doneret og er et overskud fra et særligt frimærke, der kostede ekstra i den gode sags tjeneste.
Tunisaalluartoq
Frimærki eqqumiitsuliortumit Julie Edel Hardenbergimit titartagaavoq, 2016-imilu saqqummersinneqarsimalluni. Ukiut marluk ingerlanerini frimiærki tunisaalluarsimavoq.
- Qamannga pisumik Tele-Post qujaffigiumavara frimærkimut tapiliussap tunineqarneranit sinneqartoorutit MIO-mut tunniussinnaammatigik. Meeqqat atugaasa nukittorsaavigineqarnissaannut akisussaaqataanermik soqutiginnileraluttuinnarneq attortinnarpoq. Taamaattumik aningaasat tunniunneqartut assorsuaq qujassutigaagut, meeqqat illersuisuat Aviâja Egede Lynge checkimik tigusisuusoq tusagassiuutinut nalunaarut naapertorlugu oqarpoq.
Tele-Postimi ineriartortitsinermut pisortap, Allan Pertti Frandsenip oqaatigaa, MIO-p anigaasanik tunissuteqarfiginissaanut toqqarnissaa ajornakusoorsimanngitsoq, “suliniaqatigiiffimmi tapersersorneqartussamik ujaasigaanni, eqqaaqqaagassaavoq”.
Julie Edel Hardenbergimut nersualaarinnissut
- Eqqumiitsuliortup Julie Edel Hardenbergip ukiuni kingullerni aqqaneq-marlunni, kalaallit frimærkiinut assiliartat katillutik fjortenit kusanaqalutillu maluginiarnartut suliarai.
Taamaattumik nuannaarutigeqaarput frimærkiliornissamut uunga Juliep akuersisimanera. Frimærkiliarisimasaami kusageqaarput. Eqqumiitsuliarpalaartoq suliamullu ajunngitsumut
iluaqutaasussaq, Allan Pertti Frandsen oqarpoq, pisisartullu aammalu nunarsuarmi katersisartut aamma suliniummut tapeeqataasimanerat pillugu qujassuteqarfigai.