Skip to main content

Grønlandsbanken hashi pillugu suliamik aallarniivoq

Aningaasanik nuussisarnerit eqqumiitsut pillugit aningaaserivik Grønlandsbanken politiit misissueqqissaartartuinut 2017 nalunaaruteqartartippaa. Taamaalillunilu Nunatsinni hashi pillugu suliat annersaasa ilaasa misissorneqarneranik aallarniivoq.

Politiit unnerluussisuata Tobias Bergip uppernarsaatit ataasinngornermi saqqummiuppai, KNR ilisimatitsivoq.

Aningaasarpassuit

Aningaaserivimmi atuisumut aningaasarpassuit nuunneqarput, taassumalu aningaasat nalinginnaasumik isertitarisinnaanngilai, tassani oqaatigineqarpoq.

Pineqartoq taanna 275.000 koruunit aningaasanngorlugit 2016-imi aamma ikisimavai, taakkulu kontonut allanut marlunnut nuupallassimallugit, KNR taama allaaserisaqarpoq.

Atuisut akornanni aningaasanik nuussinernik pasinartunik naammattuuigaangamik, aningaaseriviit politiit misissueqqissaartartuinut nalunaaruteqartartussaapput.

Arfineq-marluk unnerluutigineqartut

Hashi pillugu suliami inuit arfineq-marluk anngiortumik 63 kilonik aamma 27 kilonik eqqussisimasutut unnerluutigineqarput, allagaq unnerluussut naapertorlugu taakku pineqartut millioninik marlunnik kisitsisitalinnik iluanaaruteqarsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER