Skip to main content

Sara sassarpoq: Allaffissorpallaarnermik iluarsaassiniartoq

Nammineq susassaqarfigisaannaat eqqarsaatigineqartarnerat atorunnaarsinneqarnera aamma allaffissornerup annikillisinneqarnissaa, Sara Olsvigip Naalakkersuisunut siulittaasunngussaguni anguniagaraa.

Sara Olsvigip (IA) naalakkersuinikkut atorfiup qaffasinnerpaartaa anguniaralugu maanna tamanut oqariartuutigaa. Allaffissorpallaarnerup aamma nammineq susassaqarfiit kisiisa eqqarsaatigineqartarnerup atorunnaarsinneqarneranik oqariartuuteqarluni tamanna pivoq.

Taamaattorli allaffissorneqsukkut annikillisinneqassanersoq erseqqissumik oqaatigerusunngilaa.

- Namminersorlutik inuussutissarsiortut, ilisimatusartut minnerunngitsumillu innuttaasut akornanni assersuutissarpassuarnik peqartoqartoq qularutiginngilara, taanna tusagassiuutinut nalunaarummi allappoq.

- Tamakku saqqummiutissavavut taamaaliornitsigut pisariaqartitsivinni iliuuseqarsinnaaqqulluta. Taamaammat innuttaasut, kattuffiit, suliffeqarfiit namminersorlutillu inuussutissarsiortut qanoq iliornitsigut allaffissornermik eqaannerusumik atuisunullu samminerusumik ingerlatsilernissatsinnik paasiniaanitsinni peqataanissaannut kaammattorumavakka.

- Tutsuivigineqannginneq

Allaffissorneq annikinnerulerlunilu eqaannerulertariaqartoq, Sara Olsvig isumaqarpoq.

- Ukiorpassuanngortuni aningaasaliisartut aatsitassanillu ujarlertartut aatsitassarsiorfiillu nunanit aallaneersut tutsuigineqannginnermik allaffissornerujussuarmik kiisalu naassaanngiusattumik suliat ingerlanneqartuarnerannik oqariartortuarnerat tusartareerparput. Taamaaliornitsigullu nunatut immitsinnut akornutissalersorpugut.

- Naak ukiuni kingullerni pissutsit pitsanngoriaraluartut, taamaattoq inuussutissarsiornermut aatsitassarsiornermullu immikkoortumi atorfilittat ilaasa pissusilersoriaasaat allanngortittariaqarput.

Inuuniarnikkut ajornartorsiutit akimut iliuuseqarfigineqartariaqartut

Ingammik inuuniarnikkut ajornartorsiutinut tunngatillugu, nammineq susassaqarfiit eqqarsaatigineqarpallaartarnerat aaqqiissutissanut ajoqutaasut, taanna isumaqarpoq.

- Inuiaqatigiinni unammillernartittakkavut aaqqiivigissagutsigit akisussaaffeqarfiit akimornerullugit suleqatigiinnerusariaqarpugut.

- Meeqqanut kinguaassiutitigut atornerlunneqarsimasunut, sumiginnagaasimasunut angajoqqaaminnillu iliuuseqarfigineqarnermik amigaateqartunut suliniarnitta pitsanngorsarnissaa pingaarnerutissavarput. Meeraq ilivitsoq, inuk ilivitsoq aallaavigissavarput, taamaaliornitsigullu innuttaasoq aggulullugu ilivitsuutinngisaannarlugu sullitassatut isigisarnatigu. Akisussaaffeqarfiit akimorlugit sulinikkut taamaallaat taamaaliorsinnaavugut, Naalakkersuisunullu siulittaasunngussaguma tamanna siuttuuffigissavara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER