Siumumi politikeri: Qulimiguulik S-61 Kujataanukartinneqarli
S-6-ip1 Kujataani ikiuunnissaa, Inatsisartunut qinigassanngortittoq Anders Olsenip (S) piumasaraa
Kujataani maanna sikorsuit angallannermik killeqalersitsipput. Qulimiguulik Sikorsky S-61 Kujataanut ikiuukkiartortariaqartoq, Anders Olsen, Siumumeersoq piumasaqarpoq.
- Aprilip aallartinneraniit kujataani silaannakkut angalaniarneq affaannanngortinneqareerporaasiit qulimiguullip mikisup qulingiluanik ilaasoqarsinnaasup ataasiinnanngortinneratigut. Tamanna ajorluinnarpoq S-61-illu pisinnaasaattut assersuunneqarsinnaasumut angallanneq aaqqiivigineqapallattariaqarpoq. Inuit angalaniartorpassuupput, taamatullu imaatigut angalanissanut inniminneereersimasut nikeriarsinnaajunnaarpata qulimiguullip ataatsip saniatigut assartorniaalussappagit uiverneq annertooq periaanaavoq, taanna tusagassiuutinut nalunaarummi allappoq.
- Ukioq avannaani angalaniarnikkut ajalusoortoqarujussuarmat S-61 ikiuukkiartortinneqarpoq tamanut iluaqutaaqisumik. Tamanna assigalugu nunatta kujataani angallassinikkut ajalusoorneq pigaluttualersoq oqartussanit piaarnerpaamik iliuuseqarfigineqartariaqarpoq, Anders Olsen taama oqarpoq.