D-qinigassanngortittoq: Ilinniarnissamut piumasaqaatit appanngisaannassapput
- Qaqugumulluunniit eqimattatut nukittuutut sivikitsumik sivisuumillu ilinniagaqarsimalluta taava inuiaqatigiinni nutaaliani pisariaqartinneqartut naammassisariaqarpagut, Inatsisartunut qinigassanngortittoq Kasper Berthelsen oqarpoq
Ilinniaqqiffinnut piumasaqaatinik appaaniarneq isumassarsialatsiaanngitsoq, Demokraatit sinnerlugit Inatsisartunut qinigassanngortittoq Kasper Berthelsen isumaqarpoq.
- Qaqugumulluunniit ilinniarnissamut piumasaqaatit appanngisaannassavagut! Ilinniarneq sunaagaluarpalluunniit. Tamatigut anguniartariaqarpoq piginnanangorsartarnissarput uangutsinnullu piumasarineqartut naammassillugit. Qaqugumulluunniit eqimattatut nukittuutut sivikitsumik sivisuumillu
ilinniagaqarsimalluta taava inuiaqatigiinni nutaaliani pisariaqartinneqartut naammassisariaqarpagut, taanna qineqqusaarummini allappoq.
Pissutaasut amerlasuut
Taanna naapertorlugu ‘Atuarfitsialak’ siunertaminut naapertuutinnngilaq.
- Pissutaasut amerlasinnaapput taamaattoqarneranut soorunami
pissutsit assigiinngitsorpassuit sunniuteqaqataasarput. Ajornartorsiutaasunulli ilaapput imigassaq,
aanngajaarniutit, meeqqat atornerlunneqartarnerat il.il. pineqartumi annertuumik sunniuteqaqataasinnaasoq. Politikerit innuttaasullu ikioqatigiillutik tamanna iliuuseqarfigisariaqarpaat, Kasper Berthelsen tikkuaavoq.
Siuariartortuarneq
Taanna isumaqarpoq, nunani t allanit sanillersuunnermi i ilinniartitaanikkut kinguussaaqqaneq, Kalaallit Nunaata nassuerutigisariaqaraa
- Ilinniartut naammassisartut ikippallaaqaat. Pissutaasut arlaqarput ilaatigut aamma oqaatsit pissutaaqataapput oqaatsit amerlasuunut ilinniarusuttunut aporfiusarmata imaluunniit ilinniaqqinniartunut
aporfiusarmata.
Ilinniarsimassutsip qaffasissusaa siuariartorfiujuartariaqarpoq
nunarsuarmioqatitsinnut tulluussartuartariaqaratta. Pitsaassuseq qaffassariartigu isumagalugulu ilinniarnissamut piumasaqaatit suulluunniit appartinnginnissaat, Kasper Berthelsen oqarpoq.