Politiit: Akunnaap eqqaani nanoq takuneqartoq

Aasiaat avannaani nunaqarfimmi Akunnaami aalisartoq, Akunnaap eqqaani sikumi nannumik takusaqarpoq.

Ippassaq pingasunngornermi ullup ingerlanerani, Akunnaami aalisartoq sikumi Akunnaap eqqaani nannumik naapitaqarpoq. Politiit tusagassiuutinut nalunaarummi taama ilisimtitsipput.

- Aalisartoq qamuteralannik sumiiffimmit ingerlasinnaasimagami ulorianartorsiunngilaq, Nunatsinni Politiini sillimasoq, Jan Geisler, taama allappoq.

Nanoq taanna kisimiittuusoq, taassuma ilisimatitsissutigaa.

Pisariaqanngitsumik sikumi angalasoqassanngitsoq

- Aasianni aamma eqqaani nunaqarfinni innuttaasut pisariaqanngitsumik sikumiinnginnissaat qinnuigissavagut, taamatullu sumiiffimmi aalisartut piniartullu sikumi angalatillutik mianersorluaqquneqarput, sillimasoq allappoq.

Illoqarfiup eqqaani imaluunniit nunaqarfiit ilaanni innuttaasut nannumik takugunik politiinut sianernissaannik qinnuigineqarput.

Powered by Labrador CMS