Skip to main content

Steen Lynge: Taamaammat Demokraatit tunuliaqutaralugit sassaarpunga

Atassummut ilaasortaasimasoq Steen Lynge, maanna Demokraatinit qinigassanngortittoq, partiimi ilaasortanngorfimmini pingasunik ilungersuussaqarniarpoq.

Demokraatit ullumi tusagassiortunik katersortitsinerminni qinigassanngortittunik saqqummiusseqqippoq, taamaalilluni maanna qinigassanngortittut 35-iugallarlutik. Suli amerlanerusut sassassapput, partiimi siulittaasoq Randi Vestergaard Evaldsen neriorsuivoq.

Tupaallatitsineq

Qinigassanngortittuni nuimanersaasoq, partiip tusagassiortunik katersortitsinermi ‘tupaallatsitsisutut’ oqaatigisaat tassaavoq Steen Lynge, taanna siornatigut Atassut sinnerlugu Inatsisartunut qinigaanikuuvoq.

- Aalajangerniarneq ajornakusoorsimanngilaq. Demokaatit uangalu assigiinnik pingaartitaqarpugut, Steen Lynge naqissusiivoq, taassuma ingammik ilungersuunniakkani pingasut saqqummiuppai.

- Sulineq akilersinnaanerussammat sulinermut ilanngaateqalersissavarput, Steen Lynge taama aallarniuteqarpoq. Taassuma partiimilu siulittaasup pisuut akileraarnerusalernissaannut partii piareersimanngitsoq oqaatigaat, sulinermut ilanngaateqalersinniarlugu tamanna IA-p siunnersuutigaa.

Utoqqarnut politikki

Steen Lyngep tullertut suliffeqarnermi utoqqaat pillugit politikkimik ujartuivoq.

- Utoqqaat soraarninngornikut nukissat nunap atorluarsinnaavai. Taamaattumik utoqqaat suliffeqarfinni ingerlaqqissinnaanerannik aaqqissuussisariaqarpugut, Steen Lynge oqarpoq, suliffeqarfinnilu illuatungeriit peqatigalugit aaqqiissutissamik ujartuisoqartariaqartoq naqissuserpaa.

Illut aningaasalerneqarnerat

Steen Lyngep aamma oqaatsit, najugaq imaluunniit tunuliaqut apeqqutaatinnagut kikkut tamarmik inissinneqarnissaat pingaartippaa. Taamatut isumaqarnermini Nuummi innuttaasut 2027-mit pisortanit aningaasaleeqataaffigineqartumik nutaanik inissiartaarsinnaannginnerat naleqqutinnginnerarpaa.

- Taamaattoqarsinnaanngilaq. Nuummi inissianik amigaateqarpugut, isertitakinnerit akunnattumillu isertitaqartut nunatsinni innuttaasunit allanit ajornerusumik inissinneqarnissaat ilumoorsinnaanngilaq, Steen Lynge oqarpoq.

Demokraatit aamma Atassutip Nuummi inissiat aningaasaliiffigineqarneri pillugit assigiinngissusaat pillugu apeqqummut, Atassut nipaassimasoq Demokraatillu akerliullutik ilungersorsimasut tikkuarpaa.

Steen Lyngep tunuliaqutaa paasisaqarfiginerujuk: Steen Lynge Demokraatinit qinigassanngortippoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER