Skip to main content

Nannut Aasiaat eqqaanit qimaatinneqarput

Nannut piarallik aallaanissaat inerteqqutaavoq

Nanoq marlunnik piaralik Aasiaat eqqaanit qimaatinnissaa politiit maanna iluatsissimalerpaa. Politiit tusagassiuutinut nalunaarummi allapput.

Politiit sillimasuutitaat ullaaq nalunaaqutaq 7.00 sioqqutilaarlugu nalunaarfigineqarput, Aasiaat illoqarfiata eqqannguani sikumi nannut pingasut takuneqarsimasut. Tassani nannut pingajoqqat pineqarput, illoqarfiup tungaanukarsimallutik.

Innuttaasut nannunik takunninniarlutik tunisassiorfiliarsimasut, aarlerinanngitsumik ungasissuseqarsimapput, taamaalilluni inuit uumasullu akornanni navianartorsiortoqarsimanngilaq.

 

Aasianni politiit nannut qimaatissinnaasimavaat, nannut qeqertap Maniitsup tungaanut qimaapput, Aasianniit 5 kilometerit missaanni avannarpasitsigisumi.

 

Nannut Aasiannut utersinnaanerat politiit aarlerinartoqartippaat, taamaammat Aasinni innuttaasut avannaatungaanni sikumukaqqunagit  qinnuigaat.

 

Tamatuma saniatigut Kommune Qeqertaliup naannumik piaralimmik pisaqarnerup inerteqqutaanera nalunaarummi oqaatigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER