Skip to main content

Ilimagineqanngitsumik mittarfinnut aningaasaliinerit

Mittarfiliassat nutaat aningaasalernissaannut aningaasarpassuit kontomut tassunga isaatinneqarusaarput. 100 million koruuninit amerlanerusut ilimaginngisamik karsimut ikineqassapput

Soraarnerussutisinissamut aningaasat immikkut ittut akileraarusernerat 2017-imut Nunatta karsiata naatsorsuutaanni ilimagisamit annertunermik mittarfissanut nutaanut aningaasaliissutaassapput.

Soraarnerussutisiassat

Mittarfiit aningaasalernissaannut pissarsiffiusinnaasut ilagaat Namminersorlutik Oqartussat immikkut ittumik akileraarutitigut isertissinnaasaat, PFA’p Kalaallit Nunaanni soraarnerussutisinissamut ingerlatseqatigiiffia PFA Soraarneq matuppat aningaasallu ileqqaakkat Danmarkimut nuullugit.

Naatsorsuutigineqarpoq ataasiartumik isertitat 200 aamma 400 million koruunit akornanniissasut, 2018-imi aningaasanut inatsisissaq pillugu ilassutaasumik isumaliutersuummi allassimavoq.

Maanna naatsorsuisoqaleruttorpoq aningaasallu isumalluutigisat qaangingaatsiarsimavaat. Maanna Namminersorlutik Oqartussat naatsorsuutigaat 400 million koruunit  sinnerlugit akileraarutitigut immikkut ittumik isertitaassasut, taakkulu mittarfiit aningaasalernissaannut karsimut ikineqarsinnaalerlutik, najoqqutarisat Sermitsiaq.AG-mut allapput.

Tamatuma saniatigut Nunatta karsiata naatsorsuutai aamma pineqarput, 2018-imi 2019-imilu sinneqartoortoqassappat.

2017-imi amerlanerusunik sinneqartoorfiusoq

Tupaallannaqisumillu siorna sinneqartoorut 175 million koruuniussaaq, tassalu 2018-imi aningaasanut inatsisip suliarineqarneraniit 80 million koruuninik qaffasinnerullutik.

Naatsorsuutigineqarpoq maannakkut Namminersorlutik Oqartussat mittarfinnut pingasunut nammineerlutik katillugit 2 milliard koruuninik tapiisinnaassasut, aningaasanik taamaaqataanik taarsigassarsisoqarsinnaalluni.

Allaaserisaq AG aviisimi atuaruk. Aviisi uani piassaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER