Suliumajunnaarneq: Timmisartornermut silassamut suli ajornartoornermi pilersaaruteqanngitsoq
Ippassaq isumaqatiginninniartoqarnerani DMI-mut upalungaarsimanissamut isumaqatigiissuteqartoqanngilaq.
Moderniseringsstyrelsenip naalagaaffik aamma Akademikernes Centralorganisation (AC) sinnerlugit ippassaq upalungaarsimalluni suliumajunnaartoqassagaluarpat aamma sulisitsiumasoqarunnaassagaluarpat pilersaarutit oqallisigineqarmata unuup tungaanut isumaqatiginninniartoqarpoq. Kisianni isumaqatigiissuteqartoqanngilaq. AC Sermitsiaq.AG-mut ilisimatitsivoq.
Taamaalilluni suliumajunnaarnersuaqassappat Kalaallit Nunaanni timmisartuussineq eqqorneqassanersoq suli nalorninarpoq. Isumaqatiginninniarnerilli nanginneqassapput, AC aamma maanna Moderniseringstyrelsenimit nalunaarummik utaqqisaqarpoq.
Ippassaq oqaluttuarnitsitut, DMI-imut upalungaarsimalluni pilersaarummik isumaqatiginninniartoqarpoq. Silaannakkut angallassinermut silassamik ilimasaarutit immikkut ittut suliarineqarnissaannut periarfissaqalernissaannik taakku kinguneqarsinnaapput, suliumajunnaartoqassappat Kalaallit Nunaanni nunap iluani angallassiinnartoqarnissaanut taakku pisariaqarput.