Tonny ullormi ataatsimi AWG-mi marloriarluni kuultinnappoq
Ulloq Tonny Holm Fiskerimut nuannerluinnarpoq, taanna pingasormat Arctic Winter Gamesimi marloriarluni kuultinnappoq
Annonse
30-nik ukiulik Tonny Holm Fisker Arctic Winter Gamesimi ulluni makkunani Canadami South Slavemi ingerlanneqartumi, tupaallatitsivoq.
Arctic Sporterlunimi unammisartoq Tonny Holm Fisker marlunnik kuultinnappoq. Tamanna unammissutini Alaskan Highkick aamma Head Pull ingerlanneqarnerini pivoq. Taamaasilluni taanna Head Pullimi sisamanik kuultinnattaqalerpoq, ukioq mannalu AWG-imi pingasunik medaaliannattaqalerluni.
Taamaasilluni taanna, ukiaanerani unammiuaarnerni
arfingeq-pingajussaanik peqataaffigisamini katillugu 24-nik medaalianik pissarsivoq.
Taannali amerlanernik medaalianik suli pissarsisinnaavoq, ullumikkummi sisamanngornermi Arctic Sport unammeqqissaaq.